Hacı Əliyev III dəfə Olimpiadaya lisenziya qazandı
![Hacı Əliyev III dəfə Olimpiadaya lisenziya qazandı](https://sfera.az/photo/orginal/2024/04/07/1712507145_g.jpg)
20:30 / 07.04.2024
9390
Sərbəst güləş üzrə Azərbaycan millisinin lideri Hacı Əliyev (65 kq) ardıcıl üçüncü dəfə Paris-2024 Yay Olimpiya Oyunlarına lisenziya qazanıb.
Sfera.az xəbər verir ki, üçqat dünya və dördqat Avropa çempionu Bakıda keçirilən Avropa Olimpiya Təsnifat turnirində bunu bacarıb.
32 yaşlı idmançı yarımfinalda Albaniya təmsilçisi İslam Dudayevə 6:3 hesabı ilə qalib gəlib.
H.Əliyev Rio-2016-da bürünc, Tokio-2020-də gümüş medala yiyələnib.
Qeyd edək ki, bu gün Əliabbas Rzazadə (57 kq) də olimpiadaya lisenziya qazanıb. Daha əvvəl isə digər sərbəst güləşçi Maqomedxan Maqomedov (97 kq) bunu bacarmışdı.