“Qarabağ” - “Molde” oyununun biletləri satışa çıxarıldı
![“Qarabağ” - “Molde” oyununun biletləri satışa çıxarıldı](https://sfera.az/photo/orginal/2023/09/18/1695054064_d33.jpg)
20:23 / 18.09.2023
7971
UEFA Avropa Liqasının qrup mərhələsinin ilk turunda Bakıda “Qarabağ” və Norveçin “Molde” komandası arasında keçiriləcək oyunun biletləri satışa çıxarılıb.
Klubun mətbuat xidmətindən Sfera.az-a verilən məlumata görə, biletlərin qiyməti müvafiq olaraq 5, 20, 40 və 100 manat təşkil edir.
VİP biletlərin qiyməti isə 200 manatdır.
Biletləri Ağdam təmsilçisinin “Park Bulvar”dakı fan-şopundan, eləcə də “Iticket.az”ın satış məntəqələrindən əldə etmək olar.
Qeyd edək ki, sentyabrın 21-də Tofiq Bəhramov adına Respublika stadionunda keçiriləcək “Qarabağ” - “Molde” matçı saat 20:45-də başlayacaq.