Tualetdən 2,5 met uzunluğunda ilan çıxdı – VİDEO - FOTO
Taylandın paytaxtı Banqkokda inanılmaz hadisə baş verib. Şəhər sakini Tattam Hannaronq gecə saatlarında tualetə girdiyi zaman unitazın içində nəhəng pitonla qarşılaşıb. Gördüyü mənzərə qarşısında şoka düşən Hannaronq dərhal xilasedici xidmətlərə məlumat verib.
Sfera.az “En Son Haber”ə istinadən xəbər verir ki, hadisə yerinə çatan xilasedici qruplar tərəfindən tutulan ilanın uzunluğunun 2,5 metr olduğu bildirilib.
Onun Cənub-Şərqi Asiyaya məxsus “ağ naxışlı piton” ("Reticulated Python") növündən olduğu təsdiqlənib.
Tattam Hannaronq hadisə zamanı pitonun görüntülərini telefonla çəkərək sosial media hesabında paylaşıb. “Gecə saat 3-də evimdə bunu tapdım. Çox qorxunc idi”, – deyə o, paylaşımında qeyd edib.
Ev sahibi əlavə edib:
“Xilasedici komandalara təşəkkür edirəm. Onlar gəlməsəydi, nə edəcəyimi bilməzdim. Evdə bir itim var və pitonu onun yox, mənim tapmağım böyük şansdır”.
Mütəxəssislər Banqkokda musson mövsümündə ilanların kanalizasiya sistemləri vasitəsilə evlərə daxil olması faktlarının artdığını bildiriblər. Statistikaya görə, şəhərdə hər 15 dəqiqədə bir ilanla bağlı çağırış daxil olur və ildə təxminən 60 min ilan tutularaq təbii mühitə qaytarılır.
Bəsti Rəfizadə
Sfera.az
