Finlandiya döyüş təyyarəsini itirib - Yeniləri ilə əvəz etmək istəyirdilər
Hadisə
15:28 / 07.05.2025
6789
Finlandiya Hava Qüvvələrinə aid “F/A-18 Hornet” tipli döyüş təyyarəsi ölkənin şimalında qəzaya uğrayıb. Pilotun təyyarədən tullanaraq xilas olduğu bildirilir.
Sfera.az NTV”yə istinadən xəbər verir ki, Silahlı Qüvvələrdən verilən açıqlamaya görə, hadisə ölkənin şimalındakı “Rovaniemi” hava limanının yaxınlığında baş verib.
Finlandiya ictimai yayımçısı “YLE”nin verdiyi məlumata görə, hadisə yerindən qara dumanın qalxdığı müşahidə edilib.
Hadisə yerinə çox sayda təcili yardım avtomobili göndərilib.
Qeyd edək ki, Finlandiyada 1992-2000-ci illər arasında alınmış 62 “Hornet” müharibə təyyarəsi var. Ölkə 2021-ci ildə bu təyyarələri “Lockheed Martin” şirkətinin istehsal etdiyi “F-35”lərlə dəyişdirməyə qərar vermişdi.
Bəsti Rəfizadə
Sfera.az
