Cəbrayılda "Mitsubishi" aşdı - Ölən və yaralananlar var

Cəbrayılda ağır yol-nəqliyyat hadisəsi baş verib.

 

Sfera.az xəbər verir ki, hadisə ötən gün Əhmədbəyli-Horadiz-Mincivan-Ağbənd avtomobil yolunun Cəbrayıl rayonundan keçən hissəsində qeydə alınıb.

 

Belə ki, "Mitsubishi" markalı minik avtomobilinin aşması nəticəsində bir nəfər ölüb, 2 nəfər xəsarət alıb.

 

Yaralanan şəxslər Füzuli Rayon Mərkəzi Xəstəxanasına yerləşdiriliblər. İlkin tibbi yardım göstərildikdən sonra onlar Bakı şəhərindəki xəstəxanalardan birinə təxliyə olunublar.

 

Faktla bağlı araşdırma aparılır.