Bakıda avtobus qəzası: ölən və yaralanan var - YENİLƏNİB
13:56
Daxili İşlər Nazirliyi Bakıda sərnişin avtobusunun iştirakı ilə baş vermiş yol qəzası ilə bağlı məlumat yayıb.
Lent.az nazirliyin mətbuat xidmətinə istinadən xəbər verir ki, sentyabrın 17-də saat 20 radələrində Sabunçu qəsəbəsində Bakı şəhər sakini Ərşad Həsənov idarə etdiyi "VAZ-21015" markalı avtomobili Şuşa şəhər sakini Aqil Əmiraslanovun yolun kənarında saxladığı "Daewoo" markalı xətt avtobusuna vurub. Nəticədə Ə.Həsənov və sərnişini, paytaxt sakini İlham Ədilovxəstəxanaya yerləşdirilib. İ.Ədilov orada ölüb.
Sabunçu RPİ tərəfindən araşdırma aparılır.
----------
13:56
Bakıda sərnişin avtobusu ağır yol qəzası törədib.
Sfera.az lent.az-a istinadən bildirir ki, Sabunçu rayonu ərazisində Bakıxanov körpüsünün üstündə "VAZ 2107" markalı, 90 NF 424 dövlət qeydiyyat nişanlı minik avtobusu ilə "Daewoo" markalı 10 TF 478 nömrə nişanlı sərnişin avtobusu toqquşub.
Nəticədə ağır xəsarət almış şəxslərdən 57 yaşlı kişi ölüb. Daha bir nəfər isə ağır vəziyyətdə xəstəxanaya yerləşdirilib.
Faktla bağlı Sabunçu rayon Polis İdarəsində cinayət işi açılıb, araşdırma aparılır.
