Əli Əhmədov: "Qanunsuz aksiyanı təşkil edənlər kimlərsə tərəfindən idarə olunur"

Əli Əhmədov:
 

"Yeni Azərbaycan Partiyası olaraq hər hansı partiyanın hakimiyyətə gəlmək iddiasına qarşı deyilik. Amma nəyin bahasına olursa-olsun hakimiyyətə gəlmək ölkəni xaos və anarxiyaya sürükləyir. Bu, dünyanın heç yerində məqbul sayılmır. Bunun nəticəsi də ürəkaçan olmaz".

Sfera.az xəbər verir ki, bu fikirləri Yeni Azərbaycan Partiyasının sədr müavini-icra katibi Əli Əhmədov oktyabrın 19-da keçirilən icazəsiz aksiya ilə bağlı danışarkən deyib.

Onun sözlərinə görə, bəzi müxalifət qüvvələrin qanunsuz mitinqə cəhd etmələri ilə bağlı fikir mübadiləsi aparmağa ehtiyac var: "Azərbaycan vətəndaşlarının əksəriyyəti kimi, hakim partiya da ölkədə sabitliyin və əmin-amanlığın pozulmasına yönəldilən qanunsuz yerlərdə aksiyaların keçirilməsinə sərt və ədalətli münasibətini bildirməlidir. Azərbaycanda hər hansı müxalifət partiyaları tərəfindən aksiyaların keçirilməsi nə YAP, nə də ölkə iqtidarı üçün narahatlıq və nigaranlıq mənbəyi deyil və ola bilməz. Amma narahatlıq yaradan bəzi məqamlar var ki, cəmiyyətə bu barədə fikirlərin çatdırılmasına ehtiyac var".

Ə.Əhmədov bildirib ki, qanunsuz aksiyanın dövlət başçısının oktyabrın əvvəlində bir neçə səfərlərində və Azərbaycanın 9 aylıq iqtisadi inkişafla bağlı keçirdiyi müşavirədə səsləndirdiyi fikirlərdən bir neçə gün sonra təşkil edilməsi heç də təsadüfi deyil: "Görünür ki, Azərbaycana xaricdən müxtəlif üsullarla təsir göstərmək istəyən maraqlı dairələr çirkin niyyətlərini həyata keçirmək üçün bu işə əl atıblar. Ölkədə bütün azadlıqlar təmin olunduğu kimi, kütləvi aksiyaların keçirilməsi üçün yerlərin ayrılmasına baxmayaraq, müxalifət partiyaları mitinqləri icazəsiz şəkildə, razılıq verilməyən yerdə keçirmək niyyətinə düşüb və buna cəhd ediblər. Onlara verilən tapşırığa uyğun olaraq qarşıdurma yaratmaqla ölkədəki sabitliyi pozmağa cəhdlər göstərirlər. Bununla da dövlət və hökumət nümayəndələri arasında qarşıdurma yaratmaq niyyətində olublar".

"Aydın şəkildə hiss olunur ki, qanunsuz aksiyanı təşkil edənlər kimlərsə tərəfindən idarə olunur. Onlardan bu işi tələb edənlər hesabat da alırlar. Mətbuatda da bu barədə məlumatlar yayılıb. Məqsədli şəkildə onların tapşırıqlarını yerinə yetirənlər bu işə əl atırlar. Dünyanın hər yerində mitinqlərin keçirilməsi üçün ayrıca yerlər ayrılır. Xüsusi yerlərin ayrılması ictimai təhlükəsizliyin təmin edilməsi üçün əsasdır. Ancaq bunları nəzərə almadan müxalifət partiyası elə bir yer seçmişdi ki, sağlam məntiqə sığmırdı. Əhalinin və hərəkətin sıx olduğu yeri seçməklə ictimai dəstəyin geniş olduğunu göstərməyə çalışırlar. Baxmayaraq ki, bu siyasi etika baxımından düzgün sayıla biləcək hərəkət deyildi. Bizi narahat edən onların siyasi etikası deyil, belə yeri seçməklə çirkin niyyətlərini həyata keçirmək üçün münbit yer seçməyə çalışmalarıdır. Çünki əhalinin gur olduğu yerdə asayişin pozulması ehtimalı yüksəkdir", - deyə o qeyd edib.

YAP rəsmisi vurğulayıb ki, mitinqin keçirilməsi cəhdi ölkədə daxili sabitliyi pozmağa yönəlik müxalif partiyalar mövcud olduğunu bir daha göstərir: "Bu, AXCP və Milli Şura deyilən və amalı olmayan təşkilatdır". 

OXŞAR XƏBƏRLƏR

Azay Quliyevdən “özünütəcrid” çağrışı: “Qaydalarına əməl edək”

 Prezident yanında QHT-lərə Dövlət Dəstəyi Şurasının sədri, millət vəkili Azay Quliyev vətəndaşları "özünütəcrid” qaydalarına əməl etməyə çağırıb. Sf...

AZAL koranavirus təhlükəsinə görə hansı işləri görür?

"Azərbaycan Hava Yolları" QSC (AZAL) koronavirus infeksiyasının yayılmasının qarşısını almaq üçün bütün mülki aviasiya obyektlərinin dezinfeksiyasının həyata ke...

İrəli sədri seçkini lağa qoydu

 "İrəli" İctimai Birliyinin sədri Mirhəsən Seyidov öz sosial şəbəkə hesabında seçkilərlə bağlı paylaşım edib.    Sfera.az xəbər verir ki, Birli...

“İcra qolunda elita dəyişikliyi baş verir və …” – KADR İSLAHATLARI DAVAM EDƏCƏKMİ?

"Mütləq kadr dəyişiklikləri olacaq. Amma kadr islahatları əslində mövcud problemlərin həlli üçün kifayət deyil”. Sfera.az-a açıqlamasında bu sözləri Pr...

Seçicilər Aydın Mirzəzadəni yenə biabır edib, ərazidən qovdular - VİDEO

47 Saylı Mingəçevir Seçki Dairəsindən deputatlığa namizəd Aydın Mirzəzadə seçicilərlə görüşdə arzuolunmaz sitiuasiya ilə üzləşib.   Sfera.az xəbər verir...

20 Yanvar faciəsindən 30 il ötür

  Azərbaycanda 1990-cı il yanvarın 20-də baş vermiş faciədən 30 il keçir. Sfera.az xəbər verir ki, bununla bağlı Azərbaycanda Ümumxalq hüzn günü elan olu...