Dünyada koronavirus qurbanlarının sayı 800 mini ötdü
10:45 / 22.08.2020
6044
Dünyada koronavirus qurbanlarının sayı 800 min nəfəri ötüb.
Bu barədə Sfera.az xarici mətbuata istinadən xəbər verir.
Məlumata görə, koronavirusun qeydə alındığı 218 ölkədə və bölgədə COVID-19-a yoluxanların ümumi sayı 23 milyon nəfəri ötüb.
Dünyada 23 069 867 nəfərdə koronavirus infeksiyası aşkarlanıb. Pandemiya ərzində təhlükəli virusdan ölənlərin ümumi sayı 801 530 nəfərə çatıb. Virusa yoluxmuş 15 673 194 insan sağalıb.
Koronavirusa ən çox yoluxma və ölüm ABŞ-da qeydə alınıb.
Koronavirus infeksiyası ötən ilin dekabrında Çinin Uhan şəhərində yayılmağa başlayıb.
Hazırda virus 218 ölkə və bölgədə qeydə alınıb.
