Nyu-Yorkda bina çökdü: Ölən və yaralananlar var - FOTOLAR
Nyu-York şəhərində üçmərtəbəli yaşayış binasının çökməsi nəticəsində azı 2 nəfər ölüb, 17 nəfər yaralanıb. Dağıntılar altında insanların qala biləcəyi ehtimalı ilə ərazidə genişmiqyaslı axtarış-xilasetmə əməliyyatı aparılır.
Sfera.az xəbər verir ki, hadisə noyabrın 11-də Bruklin rayonunun Flatbuş (Flatbush) ərazisində, yerli vaxtla saat 16:00 radələrində baş verib.
Üçmərtəbəli yaşayış binası yaxınlıqdakı tikinti sahəsində qazıntı işləri aparılarkən çökərək həmin ərazidəki xəndəyə düşüb. Binada mənzillərlə yanaşı, birinci mərtəbədə kommersiya obyektləri də yerləşib.
Nyu-York Yanğınsöndürmə İdarəsinin məlumatına görə, hadisə nəticəsində 17 nəfər xəsarət alıb, onlardan 7-si uşaqdır. Yaralılardan 4-nün vəziyyəti ağır qiymətləndirilir. Ölənlərin yaşları barədə isə məlumat açıqlanmayıb.
Nyu-York Yanğınsöndürmə İdarəsinin komissarı Lillian Bonsignore bildirib ki, dağıntı zonasının altında neçə nəfərin qala biləcəyi hələ məlum deyil və əməliyyatın uzun müddət davam etməsi mümkündür.
İradə Elsevər
Fotolar2
