ABŞ İspaniyanı Avropada qeyri-qanuni miqrasiyanı təşviq etməkdə ittiham edib

Kateqoriya məlum deyil01.08.26, 12:23

ABŞ Dövlət Departamenti İspaniya hökumətini Avropaya kütləvi qeyri-qanuni miqrasiyanı təşviq etməkdə və buna bilərəkdən şərait yaratmaqda ittiham edib.

Sfera.az xəbər verir ki, bu barədə ABŞ Dövlət Departamentinin yaydığı bəyanatda bildirilib.

Bəyanatda qeyd olunub ki, baş verən hadisə İspaniya hökumətinin Avropaya qeyri-qanuni miqrasiyanı təşviq etməyə yönəlmiş siyasətinin birbaşa nəticəsidir.

"Bu qəbuledilməz hadisə İspaniya hökumətinin Avropaya kütləvi qeyri-qanuni miqrasiyanı təşviq etmək və ona şərait yaratmaq istiqamətində qəsdən atdığı addımların birbaşa nəticəsidir", – bəyanatda vurğulanıb.

ABŞ Dövlət Departamenti həmçinin İspaniya və digər Avropa ölkələrinin vətəndaşlarına dəstəyini ifadə edərək baş verənləri "suverenliyin və insan hüquqlarının kobud şəkildə pozulması" kimi qiymətləndirib.

Vaşinqton ABŞ vətəndaşlarının ölkə daxilində və xaricdə təhlükəsizliyinin təmin edilməsi üçün əlavə tədbirləri nəzərdən keçirdiyini, eyni zamanda oxşar vəziyyətlə üzləşə biləcək Avropa müttəfiqlərinə dəstək verməyə hazır olduğunu açıqlayıb.

Xatırladaq ki, 2026-cı ilin iyul ayının sonunda Afrikada yerləşən İspaniyanın Seuta anklavı son illərin ən böyük miqrasiya böhranı ilə üzləşib. Təxminən 60 min nəfər Mərakeşlə sərhədi keçərək İspaniya və Avropa İttifaqı ərazisinə daxil olmağa cəhd edib.

İspaniyanın Baş naziri Pedro Sançes hadisəyə görə məsuliyyəti qanunsuz miqrasiya şəbəkələrinin üzərinə qoyaraq sərhədin kütləvi şəkildə keçilməsini ölkənin ərazi bütövlüyünə qarşı addım adlandırıb.

Yerli KİV-in məlumatına görə, sərhədi keçmək cəhdləri zamanı azı 57 nəfər həyatını itirib. İspaniya hakimiyyəti isə cümə gününədək 48 mindən çox miqrantın könüllü şəkildə Mərakeşə qayıtdığını bildirib.

Böhran İspaniya Ali Məhkəməsinin Seuta və ya digər İspaniya anklavı Meliliyaya çatmağa çalışan və dənizdə aşkarlanan miqrantların qanunla müəyyən edilmiş prosedurlar olmadan avtomatik şəkildə Mərakeşə geri qaytarıla bilməyəcəyinə dair qərarından sonra daha da dərinləşib.

Baş verən hadisələr Avropa İttifaqı daxilində də gərginlik yaradıb. İtaliya sərhəd nəzarətinin gücləndirilməsi zərurətini əsas gətirərək İspaniya ilə Şengen çərçivəsində sərbəst hərəkət qaydalarının tətbiqini dayandırdığını açıqlayıb.

Seuta və Meliliya Afrikanın şimal sahillərində yerləşən İspaniyanın iki muxtar şəhəridir və Avropa İttifaqının Afrika ilə yeganə quru sərhədləri hesab olunur. Bu səbəbdən həmin ərazilər Avropaya keçmək istəyən qeyri-qanuni miqrantların əsas marşrutlarından biri kimi tanınır.

Firuzə Əliyeva

Sfera.az

PAYLAŞ

Pakistanın 8 047 metrlik Broad Peak zirvəsində qar uçqunu: Xarici alpinistlər itkin düşüb, ölənlər var

Pakistanın şimalında yerləşən və dünyanın ən hündür zirvələrindən biri hesab olunan Broad Peak dağında baş verən qar uçqunundan sonra xilasetmə əməliyyatları ikinci gündür davam edir.Sfera.az xəbər verir ki, bu barədə BBC News məlumat yayıb.Məlumata görə, itkin düşən yeddi nəfər arasında dünyanın 8 min metrdən hündür olan bütün 14 zirvəsini fəth etmiş

Airbus A350 24 saat havada qaldı – uçuş məsafəsinə görə yeni rekord

Airbus A350-1000ULR təyyarəsi Avstraliyanın Melburn şəhərindən Fransanın Tuluza şəhərinə eniş etmədən tarixi uçuş həyata keçirərək kommersiya aviasiyasında yeni rekord müəyyənləşdirib.Sfera.az xəbər verir ki, təyyarə havada 24 saat 24 dəqiqə qalaraq həm uçuş müddəti, həm də qət edilən məsafə baxımından kommersiya təyyarələri arasında rekord göstəric

Tramp 10 milyard dollarlıq iddia üzrə məhkəmə qərarından apellyasiya verib

ABŞ Prezidenti Donald Tramp ailə biznesi ilə bağlı 10 milyard dollarlıq məhkəmə iddiasına dair federal məhkəmənin qərarından apellyasiya şikayəti verib.Sfera.az xəbər verir ki, bu barədə NBC News məlumat yayıb.Məlumata görə, Trampın vəkilləri Florida ştatının federal dairə hakimi Ketlin Uilyamsın iyulun 13-də çıxardığı qərardan apellyasiya şika

Trampdan yeni Qrenlandiya açıqlaması: "Mərc etsəniz, udacaqsınız"

ABŞ Prezidenti Donald Tramp bildirib ki, prezidentlik müddəti başa çatanadək – 2029-cu ilin yanvarına qədər Qrenlandiya ABŞ-nin nəzarəti altına keçə bilər.Sfera.az xəbər verir ki, Tramp bu barədə mühafizəkar "Real America's Voice" televiziya kanalına müsahibəsində danışıb.Aparıcı Stiv Qruber Trampa daha əvvəl səsləndirdiyi "prezidentlik müddətiniz bitə

Tramp İrana qarşı yeni hərbi əməliyyata göstəriş verib – WSJ

ABŞ Prezidenti Donald Tramp İrana qarşı yeni hərbi əməliyyatın başlanmasına göstəriş verib. Əməliyyatın yaxın günlərdə, hətta bu həftəsonu başlaması və bir neçə gün davam etməsi ehtimal edilir.Sfera.az xəbər verir ki, bu barədə "The Wall Street Journal" amerikalı rəsmilərə istinadən məlumat yayıb.Nəşrin məlumatına görə, müvafiq əməliyyat planı Merilen

Yaponiya sahillərində 5,8 bal gücündə zəlzələ baş verib

Yaponiyanın şimalındakı Aomori prefekturası sahillərində 5,8 bal gücündə zəlzələ qeydə alınıb.Sfera.az xəbər verir ki, bu barədə Kyodo agentliyi Yaponiya Meteorologiya Agentliyinə istinadən məlumat yayıb.Məlumata görə, yeraltı təkanlar avqustun 1-də yerli vaxtla saat 11:48-də baş verib.Zəlzələnin episentri Aomor