Çin orbitə doqquz peyk buraxdı

Çin "Gravity-1" (Yinli-1) raket daşıyıcısı vasitəsilə doqquz Yer məsafədən zondlama peykini orbitə uğurla buraxıb.

Sfera.az xəbər verir ki, bu barədə Çinin "Sinxua" agentliyi məlumat yayıb.

"22 iyul saat 10:54-də Gravity-1 buraxılış vasitəsi Şanxay sahillərindəki sulardakı dəniz platformasından uğurla buraxılıb. Raket doqquz peyki təyin olunmuş orbitlərinə yerləşdirib", – məlumatda bildirilir.

Bunların Yer kürəsinin məsafədən zondlanması üçün istifadə edilən Dongpo, Xiguang və Tianyi seriyalı peyklər olduğu müəyyən edilib. Pekin milli kosmik proqramını fəal şəkildə inkişaf etdirir, meteoroloji, telekommunikasiya və naviqasiya peykləri, eləcə də Ayın tədqiqi üçün nəzərdə tutulmuş texnologiyalar yaradır. Dövlət dəstəyi ilə Çin mütəxəssisləri asteroid və Marsın tədqiqi layihələrini həyata keçirirlər.

Çinin kosmik stansiyası orbitdə fəaliyyət göstərir və beynəlxalq əməkdaşlıq üçün də nəzərdə tutulub.

Firuzə Əliyeva
Sfera.az