BƏƏ-də ticarət mərkəzinə düşən dron yanğına səbəb oldu

Şarjada İrana məxsus "Şahed" hücum dronu ticarət mərkəzinə düşüb və yanğın başlayıb. 

 

Sfera.az bildirir ki, BƏƏ-nin Şarja şəhərində İrana məxsus "Şahed" hücum dronu yerli ticarət mərkəzinə düşüb. Qəza yerində yanğın baş verib və insanların da dağıntılar altında qaldığı bildirilir.

Şahidlərin sözlərinə görə, İran dronu yerli hava hücumundan müdafiə qüvvələri tərəfindən vurulduqdan sonra qəzaya uğrayıb. Dron qəzası yerindən videolar yerli sakinlər tərəfindən “X” sosial media saytında yerləşdirilib.

 

Şahidlər hücum zamanı müəssisənin həddindən artıq dolu olduğunu bildirirlər və bu da dağıntılar altında itkilərin ola biləcəyini göstərir.

 

Rəsmi orqanlar hələlik İran pilotsuz təyyarəsinin qəzası ilə bağlı şərh verməyib. “Gulf News” mülki xilasetmə xidmətindəki mənbələrə istinadən yanğınsöndürənlərin hazırda alovu söndürdüyünü bildirir.

 

Yerli polis əlavə edib ki, hazırda İran pilotsuz təyyarəsinin qəzası ilə bağlı heç bir obyektiv dəlil yoxdur. Polisin məlumatına görə, yanğının özü ehtiyat hissələrinin və yağların saxlanıldığı bölmədə qısaqapanmadan qaynaqlanıb və bu qısaqapanma düzgün təhlükəsizlik prosedurlarına əməl edilməməsi səbəbindən alovlanıb.