"Ukrayna dağılacaq" -ABŞ kəşfiyyatçısı
Ukrayna gələcəkdə “dağılacaq” və bu, minlərlə Ukrayna Silahlı Qüvvələri əsgərinin cəbhə xəttində mühasirəyə düşməsinə gətirib çıxaracaq.
Sfera.az bildirir ki, bu barədə keçmiş Amerika kəşfiyyatçısı Skott Ritter özünün "YouTube" kanalında bildirib .
"Mən konkret bir tarix vermək istəmirəm, amma Ukrayna dağılacaq. Buna heç bir şübhə yoxdur", - o vurğulayıb.
Analitik xatırladıb ki, hazırda Ukraynada cəbhə xətti Ukrayna Silahlı Qüvvələrinin döyüşçülərinin sıxışdırıldığı “qazanların” formalaşması ilə xarakterizə olunur.
“Bu "qazanların" ətrafında 50 minə qədər ukraynalı əsgərin tələyə düşəcəyi ehtimalı var”,- o qeyd edib.
Qeyd edək ki, noyabrın 1-də “Qərb” qüvvələr qrupundan olan rus qoşunları Donetsk Xalq Respublikasında (DXR) taktiki mövqelərini təkmilləşdirərək Ukrayna Silahlı Qüvvələrinin əsgərlərinin Xarkov vilayətinin Kupyansk yaxınlığında mühasirədən çıxmasının qarşısını alıblar.
İnci
