Yaponlar soyuducuların başına dəmir pulları nə üçün qoyurlar?
Soyuducu əksəriyyətimizə adi bir məişət əşyası kimi görünə bilər, amma Yapon mədəniyyətində belə deyil. Fenq Şuiyə görə, (Fenq Şuy-qədim Çin fəlsəfəsinə əsaslanan nəzəriyyədir-red.) mətbəx evin enerji axınını idarə edən ən vacib sahələrdən biridir. Başqa sözlə, o, təkcə qidanın deyil, həm də evin bolluğunun mənbəyidir. Xüsusilə soyuducu həm bədəni, həm də ruhu qidalandıran enerjini daşıyır.
Sfera.az bildirir ki, Yaponlar soyuducunun ətrafındakı sahənin həmişə təmiz, səliqəli və sadə saxlanılmalı olduğuna inanırlar. Dağınıqlıq enerji balansını pozur və müsbət axının qarşısını alır.
Fenq Şuydə mikrodalğalı sobalar və tosterlər kimi elektron cihazların soyuducunun üstünə qoyulması xüsusilə tövsiyə edilmir. Bu cihazlar od enerjisini təmsil edir və metal enerjisi ilə toqquşur. Bu, həm enerji, həm də maliyyə itkiləri ilə əlaqələndirilir.
Mətbəxdə hətta bitkilər, çiçəklər və taxta bəzəklər də nəzərə alınmalıdır.
Fenq Şuyda dekorativ görünsələr də, bitkiləri soyuducunun yanına qoymaq enerjini zəiflədir. Taxta metal elementin əksi hesab olunur. Eyni şey yaşıl rəngli əşyalara, maqnitlərə və ya taxta çərçivələrə də aiddir. Bunun əvəzinə qızılı və ya metal aksessuarlardan istifadə bolluq enerjisini gücləndirir.
Bolluğu artırmaq üçün soyuducunun üst hissəsi düzgün simvollarla istifadə edilməlidir.
Soyuducuda çeklər, borc kağızlarının və ya alış-veriş siyahılarının asılması Fenq Şuyda maliyyə durğunluğunu göstərir. Bu tip kağızlar evin enerji axınına maneə törədir. Bunun əvəzinə, sizi motivasiya edən simvollar seçin; məsələn, uşaqlarınızın nailiyyət sertifikatları və ya ailə şəkilləri yaxşı seçimlərdir.
Yaponlar soyuducuya dəmir pullar, Çinlilər şans düyünü və ya sərvət simvolu olan qurbağa fiquru qoyaraq enerjini bolluğa yönəldirlər. Bəziləri hətta bu sahəni qızıl sikkələr və ya sikkələrin təsvirləri ilə bəzəyirlər. Bütün bu simvollar evin maliyyə enerjisini canlı saxlamağın yolları hesab olunur.
Aysel
