"Gözəl danışır, sonra insanları bombalayır" - Tramp Putinə əsəbiləşdi

ABŞ Prezidenti Donald Tramp növbəti dəfə Rusiya lideri Vladimir Putindən məyus olduğunu bildirib və onun sözünün üstündə durmadığına işarə edib.

Sfera.az "Fox News" a istinadən bildirir ki,  Ağ Ev rəhbəri bu barədə Endryus Hərbi Hava Qüvvələri bazasında jurnalistlərlə danışıb.

"Amma mən prezident Putindən çox məyus oldum. Bilirsiniz, mən onun sözünün üstündə duran adam olduğunu düşünürdüm, amma o, çox gözəl danışır, sonra da gecələr insanları bombalayır. Bu bizim xoşumuza gəlmir", - Tramp deyib.

Amerika liderinin sözlərinə görə, “Putin çox adamı təəccübləndirdi”.

Daha əvvəl respublikaçı senator Lindsi Qrem bildirib ki, Donald Tramp Rusiya prezidenti Vladimir Putinə qəzəblidir, ona görə də onalr Moskvaya qarşı “çox aqressiv bəyanat” gözləməlidirlər.

Xatırladaq ki, iyulun 14-də Donald Tramp mühüm bəyanatla çıxış etmək niyyətindədir. Ağ Ev rəhbəri hər hansı təfərrüatları açıqlamaqdan imtina edib, lakin Moskvanın hərəkətlərindən məyus olduğunu vurğulayıb. Bundan az əvvəl ABŞ prezidenti Rusiyaya “kiçik sürpriz” vəd etmişdi.

İnci