Avtomobilləri ilə tanınan Yaponiyanın “Honda” şirkəti təkrar istifadə oluna bilən kosmik raketin prototipini uğurla orbitə çıxarıb və yerə endirib. “Honda Motor Company”nin tədqiqat bölməsi olan “Honda R&D”iyunun 17-də təkrar istifadə edilə bilən raket prototipinin uğurla buraxılması və yerə enməsi barədə məlumat verib. Hələlik, şirkətin 2029-cu ilə qədər öz raketini suborbital uçuşa göndərməyi planlaşdırdığı dəqiq məlumdur.

Sfera.az bildirir ki, “Honda” təkrar istifadə oluna bilən raketlərdən istifadə edərək rəqabətli kosmos buraxılış bazarına daxil olur. Bu cür raketlər xüsusilə qiymətlidir, çünki onlar kosmosa buraxılışların xərclərini azaldır və adından da göründüyü kimi, faydalı yükləri orbitə çıxarmaq üçün bir dəfədən çox istifadə edilə bilər.

56 saniyəlik şaquli uçuş və eniş sınağı “Honda”nın Yaponiyanın “kosmik şəhəri” adlandırılan Taiki şəhərindəki müəssisəsində baş tutub. Raket 271,4 metr (988,5 fut) hündürlüyə çatıb və hədəf eniş yerindən cəmi 37 santimetr (14,8 düym) eniş edib.

“Honda”nın təkrar istifadə edilə bilən raket prototipinin uzunluğu 6,3 metr (21,5 fut) və diametri 85 santimetrdir (33,3 düym). Raketin çəkisi 900 kiloqramdır (2000 funt).

Qeyd edək ki, uğurlu sınaq “Honda”nın 2029-cu ilə qədər suborbital kosmosa uçuşa nail olmaq kimi iddialı hədəfinə doğru böyük addımdır. Suborbital buraxılış zamanı raket kosmosun kənarına çatır, lakin orbitə çatmır.

Şirkət bildirib ki, “Honda”nın raket tədqiqatları hələ ilkin mərhələdədir və bu raket texnologiyalarının kommersiyalaşdırılması ilə bağlı heç bir qərar qəbul edilməyib. “Honda” 2029-cu ilə qədər suborbital buraxılışa imkan verəcək texnoloji imkanları reallaşdırmaq üçün texnologiyaları inkişaf etdirmək üçün əsas tədqiqatlarda irəliləyiş əldə etməyə davam edəcək.

Şirkət artıq Yaponiya Aerokosmik Tədqiqatlar Agentliyi (JAXA) ilə insanların kosmosda tədqiqi üçün lazım olan texnologiyaların öyrənilməsi üçün əməkdaşlıq edir.

Aynil

“Honda” kosmik raketini sınaqdan keçirdi - FOTO