Fransadan 15 yaşdan kiçik uşaqlar üçün - QADAĞA

Fransa Prezidenti Emmanuel Makron 15 yaşdan kiçik uşaqlar üçün sosial medianı qadağan etməyi təklif edib. O, sosial mediadan istifadənin xüsusilə gənclər arasında zorakılığın artmasına təsir etdiyini düşünür.

Sfera.az xəbər verir ki, “France 2” telekanalına verdiyi müsahibədə Makron, sosial mediadan istifadənin məhdudlaşdırılmasını və bunun bütün Avropa İttifaqında (Aİ) həyata keçirilməsini istədiyini bildirib. O vurğulayıb ki, bu addımı Aİ-dən gözləmədən Fransada tətbiq edəcəklər.

Hazırda Fransada 15 yaşdan kiçik uşaqlar sosial media platformalarına yalnız valideyn icazəsi ilə qeydiyyatdan keçə bilirlər. Sosial media platformalarına isə valideyn icazəsini təsdiqləyən sistemlər qurmaq tələbi qoyulub.

Makronun bu təklifi Fransada orta məktəb şagirdinin məktəb işçisini bıçaqlayaraq öldürməsi hadisəsindən sonra gündəmə gəlib. Onun fikrincə, bu məhdudiyyət gənclərin təhlükəsizliyini artırmağa kömək edə bilər.

Altay