ABŞ-nin bütün bazaları hədəfdədir - Əziz Nəsirzadə

“Danışıqlar nəticəsiz qalarsa və İrana qarşı hərbi qarşıdurma baş verərsə, ABŞ bölgəni tərk etməli olacaq”.

Sfera.az Mehr agentliyinə istinadən xəbər verir ki, bu sözləri İranın müdafiə naziri Əziz Nəsirzadə bildirib.

“ABŞ-nin regiondakı bütün bazaları bizim əhatə dairəmizdədir. Hər hansı münaqişə halında onları ev sahibi ölkələrdə hədəf alacağıq”, – deyə Nəsirzadə xəbərdarlıq edib.

Nazir həmçinin qeyd edib ki, İran xalqı və silahlı qüvvələri sülh tərəfdarıdır, lakin qarşıdurma baş verərsə, İranın cavabı ağır olacaq:

“Qarşı tərəfin itkiləri bizimkindən qat-qat çox olacaq”.

Əziz Nəsirzadə İranın müdafiə sahəsində mühüm irəliləyişlər əldə etdiyini də vurğulayıb. Onun sözlərinə görə, İran keçən həftə iki tonluq döyüş başlığı daşıyan raketi uğurla sınaqdan keçirib:

“Əməliyyat qüvvələrimiz tam təchiz olunub, bu sınaq isə müdafiə gücümüzdə böyük irəliləyişdir”.

Bu açıqlamalar İranın regional gərginliklərin artdığı bir vaxtda hərbi hazırlığını artırmaq istiqamətində atdığı addımların davamı kimi qiymətləndirilir.

Fidan Hacızadə
Sfera.az