"İstanbulda əldə olunan razılaşmaları həyata keçirməyə hazırıq” - Peskov
Kremlin mətbuat katibi Dmitri Peskov Ukrayna tərəfinin döyüşlərdə həlak olmuş hərbçilərin cəsədlərini qəbul etmək məsələsində mövqeyini dəyişib-dəyişməyəcəyinin yaxın günlərdə aydınlaşacağını bildirib.
Sfera.az “TASS”a istinadən xəbər verir ki, Peskov ekspertlərin sərhəddə, dəyişdirilmənin baş verməli olduğu nöqtədə hazır vəziyyətdə olduğunu deyib.
"Bunu artıq bəyan etmişik. İstanbulda əldə olunan razılaşmaları həyata keçirməyə hazırıq”, – deyə Peskov qeyd edib.
Ukrayna tərəfinin həlak olmuş hərbçilərin cəsədlərini qəbul etməməsinin gələcəkdəki dəyişmə proseslərinə təsir edib-etməyəcəyi ilə bağlı suala cavab olaraq o bildirib:
“Ukraynanın bu məsələdəki mövqeyinin necə dəyişəcəyini görmək üçün həftənin əvvəlini gözləyək”.
Fidan Hacızadə
Sfera.az
