Diplomatik səylər nəticə vermir - Tramp sanksiyaları nəzərdən keçirir
ABŞ Prezidenti Donald Tramp bu həftə Rusiyaya qarşı yeni sanksiyaların tətbiqini müzakirə edir.
Sfera.az “The Wall Street Journal” istinadən xəbər verir ki, Tramp əgər sülh üçün son diplomatik səylər nəticə verməsə, danışıqlar prosesindən çıxmağı da nəzərdən keçirir.
Ağ Evin mətbuat katibi Karolin Leavitt bildirib ki, “Prezident Tramp danışıqlar yolu ilə sülh sazişinə nail olunmasını açıq şəkildə istəyir”.
Məlumata əsasən, potensial sanksiyalar siyahısına yeni bank sanksiyaları daxil edilməyəcək. Bununla belə ABŞ administrasiyası Rusiya liderini danışıqlar masasında güzəştə məcbur etmək üçün digər sanksiya alətlərini müzakirə edir.
Qeyd edək ki, daha əvvəl Tramp Rusiyanın Ukraynadakı obyektlərə kütləvi hücumlarından sonra Moskvaya qarşı daha sərt sanksiyaların gündəmdə olduğunu bildirmişdi.
Fidan Hacızadə
Sfera.az
