Hyuston sakini Demeri Ardell Uilson, hamburger bişirmə səhvinə görə Whataburger restoranlar şəbəkəsinə qarşı məhkəmə iddiası qaldıraraq 1 milyon dollara qədər təzminat tələb edib.

Sfera.az bildirir ki, Demeri sifarişindən çıxarılmasını istəməsinə baxmayaraq, burgerinə soğan əlavə edildikdən sonra şiddətli allergik reaksiyaya məruz qalıb. Bundan sonra o, “Whataburger” restoran şəbəkəsinə qarşı 1 milyon dollara qədər iddia qaldırıb.

25 aprel 2025-ci il tarixində açılan iddiaya görə, amerikalı kişi ötən iyul ayında şəbəkənin restoranlarından birində soğansız burger istəyib. Lakin ilk dişləmədən sonra o, qadağan olunmuş tərkib hissəsinin dadını hiss edib. Kişi soğana qarşı allergiyası olduğunu iddia edir. Hətta kiçik bir miqdar onun allergik reaksiyasına səbəb olub, həkimə müraciət etməyə məcbur edir.

Məhkəmə sənədlərində iddiaçı burgeri yemək üçün təhlükəli olan "qüsurlu məhsul" adlandırır və 250.000 dollardan çox, lakin 1 milyon dollardan az təzminat tələb edir. Uilson həmçinin ciddi bədən xəsarəti aldığını iddia edir.

Whataburger iddiaları rədd edib və mayın 16-da verdiyi cavabında iddiaçıdan tutarlı sübutlar təqdim etməyi xahiş edib. İttihamların fotoşəkillər, qəbzlər və ya tibbi hesabatlarla müşayiət olunduğu hələ məlum deyil.

Mənbə qeyd edir ki, bu, Uilsonun ilk belə iddiası deyil: o, əvvəllər oxşar səbəbdən - həm də burgerdəki soğanlara görə “Sonic” şəbəkəsinə qarşı da şikayət edib.

Ekspertlər qeyd edirlər ki, işin nəticəsi təqdim olunan sübutlardan asılı olacaq. Allergenlər fast food şəbəkələrinə qarşı məhkəmə iddialarının ümumi səbəbidir, buna görə də ABŞ-dakı əksər restoranlar menyularında potensial təhlükəli inqrediyentləri qeyd edirlər.

Hüquqşünaslar isə xatırladırlar ki, belə hallarda şəbəkələrin rəsmi tətbiqləri vasitəsilə qəbzləri saxlamaq, fotoşəkillər çəkmək və mümkünsə sifariş vermək vacibdir. Bu, gələcək proseslərdə kömək edə bilər.

Aysel

Səhv hamburger sifarişinə görə 1 milyon dollar tələb edir