Putin və Cinpin: "Tokio bundan dərs çıxarmalıdır"
Rusiya Prezidenti Vladimir Putin və Çin Xalq Respublikasının Sədri Si Cinpin rəsmi Tokionu keçmişdə yol verilmiş tarixi səhvlərdən dərs çıxarmağa çağırıblar.
Sfera.az “İnterfaks”a istinadən xəbər verir ki, liderlərin fikrincə, Yaponiya hakimiyyəti militarizmdən uzaq durmalı və bu istiqamətdə diqqətli siyasət aparmalıdır.
Bu barədə Rusiya Federasiyası və Çin Xalq Respublikasının Böyük Vətən Müharibəsində Sovet İttifaqının qələbəsinin 80 illiyi, Çin xalqının Yaponiya təcavüzünə qarşı Müqavimət Müharibəsində əldə etdiyi zəfər və BMT-nin yaradılmasının ildönümü münasibətilə qəbul etdikləri birgə bəyanatda bildirilir. Sənədin tam mətni Kremlin rəsmi saytında dərc olunub.
Bəyanatda qeyd olunur ki, Yaponiya rəhbərliyi Yasukuni ziyarətgahı və digər tarixi məqamlarla bağlı söz və hərəkətlərində ehtiyatlı olmalı, xalqı keçmişin militarist siyasətindən və onun doğurduğu acılardan uzaq tutmalıdır. Liderlər hesab edirlər ki, bu məsələ təkcə region üçün deyil, həm də dünya ictimaiyyəti üçün əhəmiyyətlidir.
Fidan Hacızadə
Sfera.az
