Həmişə deyirlər ki, əkizlər arasında xüsusi bir bağ var, elə deyilmi? Bəzən bu bağ o qədər dərin olur ki, onlar öz sözlərini və cümlə strukturlarını yaradırlar. Uşaqlıqdan başlayan bu oyuna bənzər dil biz böyüdükcə çox vaxt unudulur. Amma bəziləri üçün bu belə olmur. Maykl və Metyu Yuldenin hekayəsi də məhz budur.

Sfera.az əkiz qardaşların maraqlı hekayəsini təqdim edir.

Uşaqlıqdan başlayan gizli dil zamanla həyat tərzinə çevrildi.

Dünyada təxminən hər iki əkizdən biri yalnız onların öz aralarında anlaya biləcəyi bir ünsiyyət forması inkişaf etdirir. Alimlər bunu “kriptoqroziya” və ya “əkiz danışıq” adlandırırlar. Lakin bu xüsusi ünsiyyət forması adətən bir neçə sözlə məhdudlaşır və uşaqlar böyüdükcə yox olur.

Youlden əkizləri üçün isə əksinə olub. Onlar bu dili inkişaf etdirib, lüğətini genişləndirib və zaman keçdikcə onu hətta Latın əlifbasından istifadə edərək lazımlı formaya çeviriblər. Onların adlandırdıqları dil Umer dilidir.

Yaşadıqları mühit onları erkən yaşlarından müxtəlif dillərə maraq göstərib.

Xaricə ilk səfərlərində ispan dilini öyrənməyə qərar verəndə əkizlərin cəmi səkkiz yaşı olub. Lüğət götürüb özbaşına söz-söz tərcümə etməyə başlayıblar. Vaxt keçdikcə uşaqlıqda başladıqları Umeri daha sonra öyrəndikləri italyan, skandinaviya və bir çox başqa dilləri birləşdirərək inkişaf etdirməyə başlayıblar. Bu prosesdə dillərin quruluşunu deşifrə etməyə başlayıblar və Umeri dilinin artıq sadəcə bir oyun deyil, həqiqi bir dil olduğunu başa düşüblər.

Əkizlər bu dili heç vaxt sirr saxlamaq üçün yaratmadıqlarını xüsusilə vurğulayırlar.

Onlar üçün Umeri, aralarındakı emosional bağı əks etdirən dəyərdir. Ailələrinin bu vəziyyətə hər zaman dəstək verməsi onların dildən istifadə etmələrini asanlaşdırıb. Xüsusən də izdihamlı ailə mühitlərində öz dillərinə keçəndə ətrafdakı insanlar “yenidən dilə düşdülər” deyərək vəziyyətə tanış bir şəkildə yanaşırlar. Bu yolla onlar öz danışığından gizlənməyə və ya utanmağa ehtiyac duymayıblar. Mütəxəssislər də deyirlər ki, yaxın münasibətlərdə belə xüsusi dillərin yaranması tamamilə təbiidir.

Bu gün 25 fərqli dildə danışa bilən Metyu və Maykl hələ də Umeri dilində danışırlar.

Hətta bu dil sayəsində öz dil kouçinq şirkətlərini qurdular. Biri Bask ölkəsində, digəri Kanar adalarında yaşayır, lakin onlar hər gün öz dillərində danışmağa davam edirlər. Bununla belə, Umeri gələcək nəsillərə ötürmək planları yoxdur. Çünki bu dili başqası ilə paylaşmağın onların təbiətinə zidd olacağını düşünürlər. Mayklın fikrincə, bu dil ikili dünyaya aiddir.

Aynil

26 dildə danışırlar: Yeni yaratdıqları dili əkiz qardaşlar yalnız özləri bilir