Şimali Koreyadan gərginliyi artıran addım: Ballistik raketlər atıldı
Cənubi Koreya ordusu Şimali Koreyanın Sarı dənizə doğru bir neçə ballistik raket atdığını açıqlayıb.
Sfera.az "HaberTürk"ə istinadən xəbər verir ki, Cənubi Koreya Baş Qərargah Rəisləri Komitəsinin (JCS) verdiyi məlumata görə, raketlər Şimali Koreyanın Hvanxe əyalətindən buraxılıb.
Lakin onların növü və uçuş məsafəsi ilə bağlı əlavə məlumat verilməyib. Raket sınaqları bölgədəki təhlükəsizlik gərginliyini daha da artırıb. Cənubi Koreya və müttəfiqləri vəziyyəti yaxından izlədiklərini və hər hansı təxribatın qarşısını almaq üçün müdafiə hazırlıqlarını gücləndirdiklərini bildiriblər. Şimali Koreya son aylarda müxtəlif növ silah sınaqları keçirərək regionda narahatlıq yaratmağa davam edir. ABŞ və Cənubi Koreya bu cür addımları qınayaraq Pxenyanı beynəlxalq öhdəliklərə əməl etməyə çağırıb.
Bəsti Rəfizadə
