Bu uşaq geyimi bazardan çıxarıldı - DİQQƏT
Türkiyə Ticarət Nazirliyi təhlükəsizlik standartlarına cavab verməyən və keyfiyyəti şübhəli olan bir geyimin dərhal bazardan geri çıxarılmasına qərar verib.
Sfera.az-ın məlumatına görə, nazirliyin rəsmi açıqlamasında bildirilib ki, “Hello Baby” geyimi üzərində aparılan yoxlamalar zamanı məhsulda aşkar olunan ciddi keyfiyyət və təhlükəsizlik çatışmazlıqları, xüsusilə uşaqların sağlamlığı və təhlükəsizliyi üçün risk yaradır.
Buna görə də, Ticarət Nazirliyi istehlakçıları bu geyimi almaq və istifadə etməkdən çəkinməyə, artıq əldə olunubsa, satış nöqtələrinə müraciət edərək geri qaytarma prosedurunu başlatmağa çağırır.
Nazirlik məsələ ilə bağlı bütün satış nöqtələrinə və istehlakçılara geniş şəkildə xəbərdarlıq göndərdiyini və təhlükəsizliyin təmin olunması üçün lazımi tədbirlərin görüldüyünü vurğulayır. Məhsulun geri çağırılması ilə bağlı ətraflı məlumat və rəsmi açıqlamalar yaxın günlərdə Ticarət Nazirliyinin rəsmi saytında yayımlanacaq.
Valideynlər və bütün istehlakçılar, məhsul seçimində təhlükəsizlik standartlarına ciddi əməl etməli və hər hansı şübhəli vəziyyətlə qarşılaşdıqları halda müvafiq orqanlara dərhal müraciət etməlidirlər.
Ayxan
Sfera.az
