Münhendə avtomobil nümayişçilərin üstünə çırpılıb: Çoxlu yaralı var

Almaniyanın Münhen şəhərində naməlum şəxs avtomobili izdihamın üzərinə sürüb, bir neçə nəfəri yaralayıb.
 

Sfera.az bildirir ki, toqquşma nəticəsində azı 20 nəfər xəsarət alıb.

Sürücü "Mini Cooper"i idarə edib və avtomobili Verdi ittifaqının tətili zamanı insanların üzərinə sürüb. Ən azı iki nəfərin vəziyyəti ağırdır.

"Hadisə yerində avtomobil bir qrup şəxsə çırpılıb. Bir neçə nəfər xəsarət alıb" - məlumatda deyilir.
 

Aralarında uşaqlar da daxil olmaqla azı 20 nəfər yaralanıb. İki nəfərin vəziyyəti ağırdır və hadisə yerindən çəkilmiş kadrlarda sürücünün “Mini Cooper” idarə etdiyi görünür.
 

Hadisənin şahidləri Verdi ittifaqının tətili zamanı avtomobilin qadın və uşağı vurduğunu deyirlər. Polisin sürücüyə atəş açdığı və daha sonra onu saxladığı bildirilir.


Səlahiyyətlilər hadisənin həmkarlar ittifaqı toplantısı ilə bağlı olub-olmadığını müəyyən etmək üçün araşdırmalarını davam etdirir.

Aysel