10 sərnişini olan təyyarə qəzaya uğradı: Dəniz buzları arasında qalıqlar tapıldı
Ötən gün Alyaska səmasında itən kiçik “Cessna Caravan” təyyarəsinin qalıqları dəniz buzların arasından tapılıb. Təyyarədə olan 10 nəfərin hamısı həlak olub. Bu barədə ABŞ Sahil Mühafizəsinin Alyaska bölgəsi üzrə şöbəsi məlumat verilib.
Sfera.az bildirir ki, ABŞ Sahil Mühafizəsinin məlumatına görə, dalğıclar təyyarənin içərisində 3 cəsədin, dağıntılar altında daha 7 nəfərin olduğunu müəyyən ediblər. Təyyarənin vəziyyəti ilə əlaqədar onlara çatmaq mümkün olmadığı bildirilib.
Departamentin sözçüsü Mayk Salerno bildirib ki, xilasedicilər təyyarəni son məlum olan yeri yoxlayarkən helikopterdən tapıblar. Əraziyə iki xilasedici üzgüçü göndərilib.
Doqquz sərnişin və bir pilotu daşıyan təyyarə cümə axşamı saat 14:37 radələrində Unalakleet hava limanından havaya qalxaraq Nome istiqamətinə uçub, lakin bir saatdan az müddətdə ekipajla əlaqə kəsilib.
Səlahiyyətlilər həftə sonu fırtına gözlənilməzdən əvvəl dəniz buzunun altından dağıntıları çıxarmağa çalışır.
ABŞ Sahil Mühafizəsinin komandiri leytenant Benjamin Makintayr-Kobl havanın təyyarənin sürətlə hündürlüyünü və sürətini itirməsinə səbəb olduğunu bildirib.
"Bu, nə cür hadisə idi, təxmin edə bilmirəm"-deyə Kobl bildirib.
Qeyd edək ki, Alyaskada baş verən təyyarə qəzası son bir həftə ərzində ABŞ-da baş verən üçüncü böyük hava fəlakəti olub.
Aynil
