Castin Biber Heyli ilə boşanma şayiələrini təkzib etdi -TƏFƏRRÜATLAR
Kanadalı müğənni Castin Biber həyat yoldaşı Heylini “İnstaqram”da niyə izləmədən çıxardığını açıqlayıb.
Sfera.az bildirir ki, müğənni Castinin həyat yoldaşını izləmədən çıxarması cütlüyün ayrılması ilə bağlı şayiələrə yol açıb.
Musiqiçi bildirib ki, kimsə onun hesabına giriş əldə edib Heylini izləməyi dayandırıb.
“Biri mənim hesabıma girib və həyat yoldaşımı izləməyi dayandırıb” - deyə müğənni açıqlamasında bildirib.
Qeyd edək ki, cütlük bir neçə ay əvvəl ilk dəfə valideyn olub.
2024-cü ilin yayında cütlüyün Jack Blues (Cek Blus) adlı ilk oğlu dünyaya gəlib. Castin və Heyli 2018-ci ildə musiqiçinin müğənni Selena Qomezdən ayrılmasından sonra evlənib.
Biberin hesabında yerləşdirilən digər fotolar onun yeni musiqi üzərində işlədiyini və tezliklə yeni albomun çıxacağını göstərir.
Üstəlik, bir gün əvvəl Castin Heyli ilə “İnstaqram”da bir fotoşəkildə görünüb və bununla da onların ayrılması ilə bağlı şayiələri təkzib edib.
Yeni albom kanadalı müğənninin 2021-ci ildən, müxtəlif “Grammy” mükafatlarına namizəd olan “Justice”i (Ədalət) buraxdığı ilk albom olacaq. Xatırladaq ki, Biberin “Honest” adlı sonuncu sinqlı 2022-ci ildə buraxılıb.
Aynil
