Süni intellekt sayəsində 5 il ərzində 200 000 işçi ixtisar edilə bilər - Bu sahələrdə...

Bloomberg Intelligence (BI) hesabatına görə, dünyanın ən böyük bankları süni intellektdə (AI) irəliləyişlər səbəbindən yaxın 3-5 il ərzində təxminən 200 min iş yerini ixtisar edə bilər.

Sfera.az bildirir ki, Bloomberg Intelligence analitikləri Citigroup Inc., Goldman Sachs Group Inc. JPMorgan Chase & Co-dan 93 respondent arasında sorğu keçirib. 

Baş BI analitiki və hesabat müəllifi Tomasz Noetzel, təkrarlanan tapşırıqları əhatə edən hər hansı rutin işin "risk altında" olacağını söyləyib. Dəyişikliklər dəstək xidmətlərinə, daxili şöbə əməkdaşlarına və müştəri əməliyyatlarının yoxlanılmasına və işlənməsinə cavabdeh olan işçilərə təsir göstərə bilər. BI tərəfindən sorğuda iştirak edən respondentlərin fikrincə, süni intellektdən istifadə bankların məhsuldarlığını və gəlirlərini növbəti 3-5 il ərzində ən azı 5% artıra bilər. Buna əsaslansaq, iri bankların ümumi mənfəəti vergidən əvvəl 180 milyard dollara qədər arta bilər.

Eyni zamanda, respondentlər süni intellektin yalnız iş prosesini dəyişdirəcəyini və bu sahələrdə insan əməyini tamamilə aradan qaldırmayacağını iddia edirlər.

İnci