Vyetnamın ən varlı qadınlarından biri olan Çionq My Lan ölüm cəzasına məhkum edildiyi dələduzluq işində apellyasiya şikayətini itirib. O, ən azı 9 milyard dollar ödəsə, edamdan yayına bilər.

Sfera.az bildirir ki, Vyetnamın yerli qanunlarına görə, iqtisadi cinayətlərə görə ölüm cəzasına məhkum edilənlər oğurlanmış vəsaitin 75%-ni qaytarsalar, onlar həyatlarından məhrum edilmirlər.

Ho Chi Minh City Ali Məhkəməsi məhkum qadının banka vurduğu külli miqdarda zərəri qeydə alıb. Dəymiş zərərin dəyəri 12,3 milyard dollardır. Buna görə də hakimlər qadının cəzasını yüngülləşdirməkdən imtina ediblər.

2024-cü ilin aprelində 68 yaşlı Chiong Mee Lan oğurluq, rüşvətxorluq və kredit pozuntularında təqsirli bilinib. Ümumi itkilər 27 milyard dollar təşkil edib. Oktyabr ayında Lan daha bir dələduzluq üçün ömürlük həbs cəzası alıb. Onun işi yüksək rütbəli məmur və iş adamını hədəf alan genişmiqyaslı “yanan soba” anti-korrupsiya kampaniyasının bir hissəsi olub.

Vyetnam qanunlarına görə, iqtisadi cinayətlərə görə ölüm cəzasına məhkum edilənlər oğurlanmış vəsaitin 75%-ni qaytarsalar, onlar həyatlarından məhrum edilmirlər. Qadın 9 milyard dolları qaytarmalıdır, lakin indiyədək bu məbləği toplaya bilməyib.

Məhkəmə müəyyən edib ki, Chiong Mi Lan 2011-ci ildən 2022-ci ilə qədər “Saigon Commercial Bank”dan 304 trilyon VND (təxminən 12,5 milyard ABŞ dolları) dəyərində kredit alıb. Bu, 2022-ci ildə Vyetnam ÜDM-nin təxminən 3%-ni təşkil edir.

Müraciət zamanı iş qadınının vəkilləri cəzanın ömürlük həbslə dəyişdirilməsini istəyib. Hüquqşünasların fikrincə, ölüm hökmü təhlükəsi onun üzərindən götürülsə, lazımi məbləği toplamaq onun üçün çox asan olacaq. 9 milyard dollar toplamaq üçün Chiong Mi Lan Ho Chi Minh şəhərində daşınmaz əmlak, biznes və tikinti layihələrindəki səhmlər və paylar kimi aktivləri satmalıdır.

“Onun aktivlərinin ümumi dəyəri tələb olunan təzminat məbləğini üstələyir, lakin onların satılması çox səy və çox vaxt tələb edir. Aktivlərinin çoxu tez satıla bilməyən daşınmaz əmlakdır”- deyə məhkumun vəkillərindən biri izah edib.

Xatırladaq ki, kommunist sistemi ilə idarə olunan Vyetnamda ölüm cəzası 22 cinayətə, o cümlədən adam öldürmə, silahlı soyğunçuluq, narkotik alveri, zorlama, uşaqlara cinsi zorakılıq, həmçinin rüşvət və korrupsiya, mənimsəmə kimi bir sıra iqtisadi cinayətlərə görə verilə bilər.

Aysel

Vyetnamın ən zəngin qadınlarından biri ya 9 milyard dollar toplamalı ya da... - FOTO