İsa Məsihin həqiqətən necə görünə biləcəyi AÇIQLANDI - FOTO
Xristianlar əsrlər boyu İsanı ağbəniz, uzun saçlı və saqqallı, boş paltarlı bir insan kimi təsvir ediblər. Lakin ekspertlər və elm adamları İsanın əslində tanış görüntüdən tamamilə fərqli göründüyünü iddia edirlər.
Sfera.az xəbər verir ki, bu barədə “Daily Mail” in Britaniya nəşri yazıb. Məlumatda qeyd olunub ki, qədim dünya tarixi üzrə ekspertlər hesab edirlər ki, əsl portret qəbul edilmiş qanunlara ziddir.
Tarixçilər və ilahiyyatçılar əmindirlər ki, İncil mətnlərində, eləcə də arxeoloqların məlumatlarında bütün xristianların əsas simvolunun təxmini portretini yaratmağa imkan verən cavablar var.
Alimlər İsanın yəhudi xalqına mənsub olması və çox güman ki, qədim aramey dilində danışması ilə razılaşırlar. Lakin onun açıq rəngli gözləri, uzun saçları və saqqalının olması ilə razılaşmırlar. Qeyd edilib ki, onun qəhvəyi gözləri, dalğalı orta uzunluqlu saçları və kiçik, lakin səliqəli saqqallı olub.
İlahiyyatçılar və möminlər arasında mübahisə doğuran digər məqam İsanın geyimidir.
Əksər xristianlar onu boş, yüngül paltarlı və ipək sandallı bir adam kimi təsvir edirlər. Bununla belə, London Kral Kollecinin professoru Coan Teylor əmindir ki, İsanın tarixini və dülgərlik keçmişini nəzərə alsaq, o, daha praktik paltar geyinərrdi. Həmçinin o dövrdə bir çox paltarlar açıq rənglərə boyanırdı, lakin tünd çalarda paltarlar geyinmək daha çox kişiyə xas hesab olunurdu.
Mütəxəssislər İsanın fiziki xüsusiyyətlərini də qeyd edirlər. Şeffild Universitetində bibliya və dini tədqiqatlar üzrə dərs deyən doktor Meredit Uorren hesab edir ki, uzun müddət dülgərlik, doğrama və digər fiziki güc tələb edən işlər onun bədənini sərtləşdirib. Mütəxəssisin fikrincə, o, çox yemək yemədiyi üçün kök olmayıb. Bildirilib ki, Müqəddəs Kitabın mətnində İsanın bircə də aydın təsviri yoxdur.
Müvafiq olaraq, bəşər tarixi ərzində xristianların əsas simvolunun ümumi qəbul edilmiş portreti illərcə dəyişib. Uzun saqqallı və boş paltarlı uzun saçlı adamın müasir konsepsiyası Orta əsrlər və İntibah dövründə, xüsusən də ikon rəssamlarının dövründən Leonardo da Vinçinin yaradıcılığına qədər möhkəm şəkildə formalaşmağa başlayıb.
Firuzə Əliyeva
Sfera.az
