İspan pərakəndə satış mağazası “Zara”, fotosessiyada həm fələstinliləri, həm də israilliləri ona qarşı yönəldən elementlərdən istifadə edərək, misligörülməmiş qalmaqala imza atıb.
 

Sfera.az bildirir ki, “Zara” brendi tərəfindən yayımlanan fotolarda, model Kristen McMenaminin taxta yeşiklər və beton zibilləri ilə əhatə olunmuş səliqəli ağ otaqda dayandığı göstərilir. Ağ parça və ağ polietilen torbalara bükülmüş əzaları olmayan heykəl manekenlər də var. Qalmaqaldan sonra “Zara” susmağa davam etsə də, hələlik rəsmi heç bir açıqlama olmasa da, brendin veb-saytında və sosial mediada reklam kampaniyasının bütün fotoları silinmiş kimi görünür.

Üstəlik, fotolarda beton dağıntıların arasında Qəzza zolağı ilə İsrailin xəritəsi və tərs çevrilmiş Fələstinin xəritəsi görünüb.

Şəkillər silsiləsi içərisində internetdə qalan yeganə foto paltarın yaxından çəkilmiş şəklidir.

“The Jacket” adlanan kampaniya, şirkətin "sənətkarlığa sadiqliyimizi və bədii ifadəyə olan həvəsimizi nümayiş etdirən məhdud sayda kolleksiya" kimi təsvir edilir. Bu kampanya “Atelier Seriesəin bir hissəsidir.
 

“Zara”nın kampaniya ilə bağlı paylaşımına münasibət bildirən Haute Hijab moda brendinin baş icraçı direktoru Melani Eltürk deyib:


"Bu iyrəncdir. Biz nə cür xəstə təfəkkürlü, əyri və sadist görüntülərə baxırıq?"
 

Fələstinli rəssam Hazem Harb da kampaniyaya münasibət bildirib və markanı boykot etməyə çağırıb.

"Ölüm və məhvdən dəb üçün fon kimi istifadə etmək təkcə pis deyil, həm də buna ortaqlıq etməkdir. Bu, istehlakçılar olaraq bizi qəzəbləndirməlidir. “Zara”nı boykot edin" - deyə o yazıb.

Hələlik “Zara” qalmaqala münasibət bildirməyib.
 

Qeyd edək ki, kampanya İsraildə də xoş qarşılanmayıb. Sosial şəbəkələrdə yayımlanan videolarda İsraillin “Trimera Brands” şirkətinin sədri Coey Şvebelin təşkil etdiyi toplantıdan sonra insanların “Zara” şəbəkəsi tərəfindən satılan paltarları yandırdıqları əks olunub.
 

Xatırladaq ki, “Zara” 1975-ci ildə İspaniyada yaradılıb. Şəbəkənin Abu Dabi, Dubay, Şarja və Ras Əl Xaimah da daxil olmaqla BƏƏ-də çoxsaylı satış məntəqələri, 90-dan çox ölkədə 2000-dən çox mağazası var.

Aysel

Sfera.az