Sfera.az Do Rzeczy-yə istinadən bildirir ki, V.Skşipçakın dediyinə görə, bu şəhərin Rusiyadan alınmasının vaxtı çatıb.

"Fikrimcə, əzəli Polşa ərazisi olan Kalininqradla bağlı məsələnin həlli yollarının aranmasının vaxtı çatıb. Şəhər 1945-ci ildən bəri Rusiyanın işğalı altındadır. Halbuki həmin ərazilər tarixən Prussiya və Polşa torpaqları olub. Bu səbəbdən də Polşanın Kaliniqrada iddia etməsinin qanuni əsasları var", - general V.Skşipçak deyib.

Generalın dediyinə görə, Kalininqrad şəhəri Baltika dənizinə və Polşa ovalığına aparan qapıdır: "Bu yerlərdən Mərkəzi və Qərbi Avropaya yol keçdiyindən Rusiyanın hərbi və siyasi strategiyasında Kalininqradın xüsusi yeri var".

Əzəli pruss kəndi Tvanqste olmuş bu məkanda 1255-ci ildə Tevton Ordeninin cəngavərləri çex kralı 2-ci Prjemısl Otakarın şərəfinə Köniqsberq (almanca "Kral Dağı") qalası inşa etmişdilər. Qala sonradan böyüyərək şəhərə çevrilmişdi.

Polyaklar bu şəhəri Korolevets adlandırırdılar.

Şəhər 1946-cı ilin iyulun 4-dən sonra Kalininqrad olub.

Dünyaca məşhur alman filosof İmmanuil Kant bu şəhərdə yaşayıb və dəfn olunub.

 

(milli.az)