Tələbə adını qazananlar arasında jurnalist övladları da var - SİYAHI+FOTO

Kateqoriya məlum deyil25.08.26, 10:37

2026/2027-ci tədris ili üzrə ali məktəblərə qəbul imtahanlarının nəticələri açıqlanıb. Qəbul həyəcanı yaşayanlar arasında media nümayəndələrinin övladları da var.

Sfera.az xəbər verir ki, , bir sıra tanınmış jurnalistlərin övladları yüksək nəticə göstərərək müxtəlif ali təhsil müəssisələrinə qəbul olublar.

“Sfera.az” saytının redaktoru Vasif Cəfərovun oğlu Məhəmməd Cəfərli Azərbaycan Dövlət İqtisad Universitetinin (UNEC) Beynəlxalq ticarət və logistika ixtisasına qəbul olub.

Jurnalist Elçin Məmmədin oğlu Onur Məmmədli 686,5 bal toplayaraq Bakı Ali Neft Məktəbinin (BANM) İnformasiya təhlükəsizliyi ixtisasına daxil olub.

Tələbdə adını qazananlar arasında “Azərtac” İnformasiya Agentliyinin jurnalisti Elxan Yusiflinin oğlu Ayxan Yusifli də var. O, 682,5 bal toplayaraq Bakı Ali Neft Məktəbinin İnformasiya təhlükəsizliyi ixtisasının ingilis dilli proqramı üzrə təhsil almaq hüququ qazanıb.

“Xəzər TV”nin jurnalisti Ceyhun Rzayevin qızı Zəhra Rza Bakı Dövlət Universitetinin (BDU) Rus dili və ədəbiyyatı fakültəsinə, rus bölməsinə qəbul olub.

Jurnalist Elman Eldaroğlunun nəvəsi Dəniz Azərbaycan Tibb Universitetinin Stomatologiya (Diş həkimliyi) ixtisasında təhsil almaq hüququ qazanıb.

“Yeni Müsavat” qəzetinin jurnalisti Elşad Paşasoyun oğlu Murad Paşayev Azərbaycan Memarlıq və İnşaat Universitetində təhsil almaq imkanı qazanıb.

Jurnalist Yusif Məhəmmədoğlunun oğlu Məhəmməd Bakı Dövlət Universitetinin Tarix fakültəsinin tarix müəllimliyi ixtisasına ödənişsiz əsaslarla qəbul olub.

Azərbaycan Mətbuat Şurasının icraçı katibi Əvəz Rüstəmovun oğlu Camal Rüstəmzadə Azərbaycan Dövlət Dəniz Akademiyasının Gəmi energetik qurğularının istismarı mühəndisliyi ixtisasına qəbul olub. O, ingilis dilli proqram üzrə təhsil alacaq.

Əməkdar jurnalist Füzuli İsmayılovun oğlu Cahangir İsmayılov Azərbaycan Dövlət Pedoqoji Universitetinə daxil olub.

“Financetime.az” saytının baş redaktoru Arzu Dəstibəyovanın övladı S.R. Dəstibəyov Azərbaycan Dövlət Dəniz Akademiyasının Elektrik və elektronika mühəndisliyi ixtisasına, ingilis dilli əyani təhsil formasına qəbul olunub.

“ARB24”ün aparıcısı Vəfa Təyyarqızının bacısı qızı Mustafalı Zeynəb Qərbi Kaspi Universitetinə, jurnalist Nigar Orucovanın övladı Sabir Orucov Azərbaycan Dövlət Neft və Sənaye Universitetində (ADNSU) təhsil alacaq.

Jurnalist Anzulə Pərvizqızının qızı Əlvan da bu il tələbə adını qazananlar sırasında yer alıb. O, Azərbaycan Texniki Universitetinin ingilis dili üzrə Menecment fakültəsinə daxil olub.

Sfera.az olaraq tələbə adını qazanan bütün gəncləri təbrik edir, onlara təhsil həyatlarında və gələcək karyeralarında uğurlar arzulayır.

Bəsti Rəfizadə

Sfera.az

Açar sözlər:

PAYLAŞ

“Hadrut fatehi”nin xanımı da tələbə oldu

Xüsusi Təyinatlı Qüvvələrin qrup komandiri və baş giziri, Vətən Müharibəsi Qəhrəmanı Camal İsmayılovun həyat yoldaşı Fatimə İsmayılova da tələbə adını qazanıb.Sfera.az xəbər verir ki, bu barədə qafqazinfo-ya şəhid xanımı özü məlumat verib.Fatimə İsmayılova Odlar Yurdu Universitetində “Turizm işinin təşkili” ixtisasına qəbul olunub.Qeyd edək ki, “H

İlham Əliyev və Mehriban Əliyeva Xalq artisti Tofiq Bakıxanovun vida mərasiminə əklil göndərib

Azərbaycan Prezidenti İlham Əliyev və Birinci vitse-prezident Mehriban Əliyeva Xalq artisti Tofiq Bakıxanovun vida mərasiminə əklil göndərib.Sfera.az xəbər verir ki, xalq artisti ilə vida mərasimi Təzə Pir məscidində keçirilir.Qeyd edək ki, T.Bakıxanov avqustun 23-də 96 yaşında vəfat edib. O, bu gün İkinci Fəxri Xiyabanda dəfn olunacaq.///report///

“Hazırda dərs dediyim tələbələrin çoxu məni ilk dəfə TikTok-da kəşf edib” - İngilis dili müəllimi ilə müsahibə

Bu gün dil öyrənmək üçün hər zaman uzun dərslərə ehtiyac yoxdur — bəzən 60 saniyəlik bir video belə yeni bir ifadəni yadda saxlamağa kifayət edir. İngilis dili müəllimi @englishwith_roman TikTok-un qısa video formatından istifadə edərək ingilis dilini daha sadə, praktik və gündəlik həyata yaxın şəkildə təqdim edir.Hazırda Türkiyənin Bolu Aba

Komitənin yeni Aparat rəhbəri kimdir? - DOSYE

Ötən gün Dövlət Statistika Komitəsinin sədri Azər Mursaqulovun müşaviri Səbuhi Əliyev komitənin yeni Aparat rəhbəri təyin olunub.Sfera.az xəbər verir ki, 43 yaşlı S.Əliyev 2004-cü ildə Azərbaycan Dövlət İqtisad Universitetində Beynəlxalq iqtisadi münasibətlər ixtisası üzrə bakalavr, 2009-cu ildə isə magistr pilləsini fərqlənmə diplomu ilə bitirib.

Azərbaycana gələn turistlərin sayı AZALIB

2026-cı ilin yanvar-iyul aylarında Azərbaycana 191 ölkədən 1 milyon 342,6 min əcnəbi və vətəndaşlığı olmayan şəxs gəlib.Sfera.az xəbər verir ki, bu barədə Dövlət Statistika Komitəsinin məlumatında qeyd olunub.Bildirilib ki, ölkəyə gələn əcnəbilərin və vətəndaşlığı olmayan şəxslərin sayı ötən ilin eyni dövrü ilə müqayisədə 9,2 faiz azalıb.Azərbaycana gələnlərin 28,3 faizi Rusiya, 20 faizi Türkiyə, 7,9 faizi İran, 4,7 f

Bakının bu rayonunda qaz olmayacaq

Bu gün Bakının Sabunçu rayonunun bəzi ərazilərinin qaz təchizatında fasilə olacaq.Bu barədə Sfera.az-a “Azəriqaz"dan məlumat verilib.Bildirilib ki, payız-qış mövsümünə hazırlıq işləri ilə əlaqədar saat 10:00-dan işlər yekunlaşanadək rayonun Şuşa şəhərciyinin, Sosial binaların, S.Xudiyev və Ş. Rustavelli küçələrinin qaz təchizatında qısamüddətli fasilə yaranacaq.