Dünyanın ən gözəl qadın və kişilərinin hansı ölkələrdə yaşadığı mövzusu illərdir geniş maraq doğurur. Gözəllik hər nə qədər subyektiv anlayış olsa da, bu sahədə aparılan beynəlxalq sorğular, sosial şəbəkə rəy və statistikaları əsasında müəyyən “gözəllik mərkəzləri” formalaşıb.

Sfera.az gözəllik anlayışının qlobal coğrafiyasını araşdıraraq ən çox seçilən ölkələri təqdim edir:

Reddit və “Insider Monkey” platformalarının birgə apardığı beynəlxalq sorğuda Kolumbiya ən gözəl qadınların və kişilərin vətəni seçilib. Ölkənin bu nəticəni əldə etməsində kolumbiyalı qadınların sağlam saçları, ifadəli gözləri və cəlbedici üz cizgiləri əsas rol oynayıb. Araşdırmada qeyd olunur ki, ölkənin genetik müxtəlifliyi və latın gözəllik standartları Kolumbiyanı bu sahədə lider edir. Kolumbiyanı sıralamada Polşa, Yunanıstan, Rusiya və Çexiya izləyir. Bu ölkələrdə qadınların simmetrik üz quruluşu, açıq rəngli gözləri və yüksək yanaq sümükləri xüsusilə vurğulanır.

Braziliya, Ukrayna və Hindistan – gözəllik fabrikləri

Digər populyar reytinqlər arasında “HuffPost İspaniya”nın təqdim etdiyi siyahı da yer alır. Bu sorğuya əsasən Braziliya birinci yerdə qərarlaşıb. Braziliyalıların ekzotik görünüşləri, parlaq dəriləri və atletik bədən quruluşları onları dünya gözəllik arenasında fərqləndirir.

Eyni siyahıda Ukrayna, Venesuela, İspaniya və Rumıniya da ön sıralarda yer alıb.

Xüsusilə ukraynalı qadınların klassik slavyan görünüşü, açıq saçlar, yaşıl və mavi gözləri, klassik simmetriyası tez-tez vurğulanır. Hindistan isə özünəməxsus cazibə ilə ikinci pilləyə yüksəlib. “Bollywood” ulduzlarının təsiri, rəngarəng dəri tonları və dərin baxışları hind qadınlarını dünya gözəllik arenasında tanıdıb.

Cənubi Koreya plastik cərrahiyyə ilə zirvədə

Gözəllik dedikdə təkcə təbii sima yox, həm də estetik müdaxilələr də gündəmdədir. Bu baxımdan Cənubi Koreya plastik əməliyyatların mərkəzi hesab olunur. Burada estetik sənaye o qədər inkişaf edib ki, ölkə “qüsursuz gözəllik” anlayışını kommersiyalaşdırıb.

Türkiyə, İran və Efiopiya da siyahıda Böyük coğrafiyada gözəllik mərkəzlərindən biri də Orta Şərqdir. Türkiyə, İran və Efiopiya qadınları öz mədəni və etnik müxtəlifliyi ilə göz oxşayır. Xüsusilə iranlı qadınların kəskin göz konturları və qabarıq üz cizgiləri, eyni zamanda Türkiyədə klassik Şərq-Qərb sintezini əks etdirən görünüşlər bu ölkələri fərqləndirir.

Azərbaycan – Qafqazın gözəllik simvolu

Bu siyahılarda Azərbaycan da getdikcə daha çox ön plana çıxır. Son illər beynəlxalq vizual sorğularda və sosial mediada Azərbaycanlı qadın və kişilər də gözəllikləri ilə tez-tez diqqət mərkəzinə düşür. Qafqaz genetikası, Şərq və Qərb simalarının harmoniyası, ifadəli gözlər, aydın üz xəttləri və zərif cizgilər Azərbaycan insanını fərqləndirən əsas elementlərdir. Xüsusilə “Miss Universe” və digər beynəlxalq gözəllik yarışlarında azərbaycanlı təmsilçilərin uğurları ölkəmizin bu sahədə tanınmasına səbəb olub.

Eyni zamanda, sosial şəbəkələrdə azərbaycanlı modellər, bloqerlər və sənət adamları vizual cazibələri ilə çoxsaylı izləyici auditoriyası qazanır. Bununla yanaşı, kişilərdə də klassik və sərt Qafqaz görünüşü, bədən quruluşu və özünəinam tez-tez vurğulanır. Son dövrlərdə sosial mediada azərbaycanlı modellərin beynəlxalq brendlərlə əməkdaşlığı da bunu təsdiqləyir. Aparılan sorğular göstərir ki, dünyanın müxtəlif bölgələrində fərqli gözəllik standartları mövcuddur. Gözəllik həm genetik, həm də mədəni elementlərlə formalaşır.

Kişilərdə fərqli meyarlar: “dad bod” dəbi

Araşdırmalar göstərir ki, kişilərdə ideal bədən tipi artıq klassik “six-pack” deyil. Litva və Böyük Britaniyada aparılan yeni araşdırmalara əsasən, orta bədən quruluşlu, yüngül əzələli və səmimi görünüşlü kişilər daha cəlbedici hesab olunur. Alimlər buna “dad bod” adını veriblər və bu meyar Cənubi Koreya, Çin və Böyük Britaniyada xüsusi önəm qazanıb.

Firuzə Əliyeva

Sfera.az

Dünyanın ən gözəl insanları harada yaşayır? - ARAŞDIRMA