"Qarşıya qoyulan hədəflərə çatmamışıq" - Əli Məsimli
"Bizim müzakirələrimiz yalnız köhnə ilin və yeni ilin büdcəsinin icrası ilə məhdudlaşmamalıdır".
Sfera.az xəbər verir ki, bunu Milli Məclisin bu gün keçirilən növbədənkənar sessiyası üzrə iclasında deputat Əli Məsimli “Azərbaycan Respublikasının 2024-cü il dövlət büdcəsinin icrası haqqında” Azərbaycan Respublikası qanununun layihəsinin müzakirəsi zamanı deyib.
Ə.Məsimli qeyd edib ki, Hesablama Palatasının rəyində 60-a yaxın təklif və tövsiyə irəli sürülüb ki, bunlar əsasən deputatların qaldırdığı məsələlərdir.
Deputatın sözlərinə görə, büdcə və onun icrası arasında fərqlər mövcuddur və bu fərqlərin səbəblərinin müzakirəsi olduqca vacibdir.
"Məsələn, elm və təhsil xərcləri əvvəlki illərlə, xüsusilə də 10 il əvvəl qəbul olunmuş təhsil strategiyası ilə müqayisədə daha aşağıdır. Eyni zamanda, təhsil işçilərinin əməkhaqları da kifayət qədər yüksək deyil. Bu da o deməkdir ki, qarşıya qoyulan hədəflərə tam nail olunmayıb".
Həmçinin vurğulayıb ki, Azərbaycan bir neçə milyard dollarlıq ərzaq məhsullarını ixrac edə biləcək potensiala malikdir.
"Buna görə, büdcədən kənd təssürüfatlnlın inkişafı üçün vəsaitin ayrılması çox yaxşı olar".
Firuzə Əliyeva
