1a:T7a5,

Uzun müddət oturma və ya uzanmağın Alzheimer xəstəliyinə tutulma riskini artırdığı məlum olub.

Sfera.az “İndependent” nəşrinə istinadən xəbər verir ki, ABŞ-nin Vanderbilt Universiteti Tibb Mərkəzi və Pittsburgh Universiteti tərəfindən aparılan yeni elmi araşdırma göstərib ki, uzun müddət oturaq həyat tərzi sürmək Alzheimer xəstəliyinin inkişaf riskini artırır. Tədqiqatın nəticələri oturma müddətinin yalnız həyat keyfiyyətinə deyil, həm də beyin sağlamlığına birbaşa təsir etdiyini sübut edib.

Araşdırmada 50 yaşdan yuxarı 404 nəfər iştirak edib. Onlar bir həftə boyunca bədən hərəkətliliyini izləyən cihazlar taxıblar. Alimlər yeddi il ərzində həmin şəxslərin beyin strukturlarını və zehni funksiyalarını təqib ediblər. Nəticələr göstərib ki, uzun müddət oturan insanlarda beynin yaddaş və düşünmə ilə bağlı sahələrində kiçilmə müşahidə olunub. Bu dəyişikliklər gündəlik fiziki aktivlik səviyyəsindən asılı olmayaraq baş verib.

Xüsusilə, Alzheimer xəstəliyinə genetik meyilliyi olan “APOE-e4” gen allelini daşıyan şəxslərdə bu mənfi təsir daha qabarıq şəkildə özünü göstərib. Tədqiqatçılar bildirirlər ki, bu genetik risk faktoruna sahib olan insanlar üçün oturaq həyat tərzi daha təhlükəli hesab olunur.

Alimlər bu nəticələrə əsaslanaraq gündəlik oturma müddətinin azaldılmasını, hər 30-60 dəqiqədən bir ayağa qalxmağı və yüngül fiziki fəaliyyətlərlə fasilələr verməyi tövsiyə edirlər. Bu, həm Alzheimer riskini azaltmaq, həm də ümumi beyin sağlamlığını qorumaq üçün effektiv yanaşma hesab olunur.

Fidan Hacızadə
Sfera.az

4:[["$","script",null,{"type":"application/ld+json","dangerouslySetInnerHTML":{"__h

Oturaq həyat bu xəstəliyi yaradırmış- Alimlərdən XƏBƏRDARLIQ