1a:T7b8,

“Bu yaxınlarda “TikTok” platformasında qarşımıza belə bir səhifə çıxdı. Adıma bu kimi “fan” səhifələrin açıldığı olub, amma hər birinin qarşısında “fan” olduğu mütləq vurğulanıb. Bu səhifədə olmaması diqqətimizi çəkdi”.

Sfera.az xəbər verir ki, bu sözləri tanınmış aparıcı Jalə Həsənli sosial şəbəkə hesabında yazıb.

O bildirib ki, adına səhifə açan şəxs dələduz olub:

“Rəyləri oxumağa başladıq, məlum oldu ki, hesabı işlədən şəxs rəylərdə özünü “Jalə Həsənli” kimi təqdim edir, pul qarşılığında reklam təklifləri qəbul edir, insanlara rəylərdə mənim adımdan mənə xas olmayan tərzdə cavab yazır. Öz hesabımdan (rəylərə başqa telefondan baxırdıq) səhifəyə mesaj yazmaq istədim, baxdım ki, adam mənim özümü blok edib.

İşgüzar nüfuzuma zərər vurduğuna görə “Jalə Həsənli”nin tapılması üçün Azərbaycan Respublikasının Daxili İşlər Nazirliyinə müraciət etdik. “Kim olduğumu haradan tapacaqlar?” deyib adıma səhifə açan, pul qarşılığında reklam təklifləri qəbul edən həmin şəxsi qısa müddətdə araşdırma nəticəsində polis tapdı.

Məlum oldu ki, “Jalə Həsənli” gənc bir oğlan imiş. Feyk səhifə silindi, haqqında qanunauyğun tədbirlər görüldü.

Dələduzluğa, dezinformasiyaya qarşı mübarizə apardığımız bu ərəfədə sizi adımdan yazılan hər hansı bir məlumata, informasiyaya inanmamağa çağırıram”, - deyə o əlavə edib.

4:[["$","script",null,{"type":"application/ld+json","dangerously

Jalə Həsənlinin adından DƏLƏDUZLUQ: Saxta hesab açıb... – FOTO