"80 milyon insan aclıqla üz-üzə qalacaq" - BMT rəsmisi

Birləşmiş Millətlər Təşkilatının (BMT) İnsan Haqları üzrə nümayəndəsi iqlim dəyişikliyinin qlobal aclıq böhranını daha da dərinləşdirəcəyini bildirib.
 

Sfera.az “Milliyet”nəşrinə istinadən xəbər verir ki, BMT-nin İnsan Hüquqları üzrə Ali Komissarı Volker Türkün  sözlərinə görə, 2050-ci ilə qədər bu səbəbdən 80 milyon daha çox insan aclıqla üzləşə bilər.

V.Türk bu barədə “X” sosial media platformasında paylaşım edərək bildirib ki, hazırda dünyada hər 10 nəfərdən 1-i aclıqla mübarizə aparır. O qeyd edib ki, məsələ sadəcə qida çatışmazlığı ilə bağlı deyil, əsas problem qidanın əlçatmaz və davamlı olmayan sistemlərlə insanlara təqdim olunmasındadır.

“Bizim ədalət, davamlılıq və insan hüquqlarına əsaslanan qida və torpaqdan istifadə sistemlərinə ehtiyacımız var”, –  Türk vurğulayıb.

Ali Komissar iqlim dəyişikliyinin yalnız ekoloji deyil, həm də sosial və humanitar fəsadlar yaratdığını diqqətə çatdıraraq, bu sahədə təcili islahatlara çağırıb.

Fidan Hacızadə
Sfera.az