Kaşalata Kafenin açılış mərasımi oldu - FOTO
“Birgə və Sağlam” İctimai Birliyinin təşəbbüsü ilə fəaliyyətə başlayan Kaşalata Kafenin açılış mərasımi baş tutub.
Sfera.az bildirir ki, Ü.Hacıbəyli küçəsi, 57 ünvanında yerləşən kafe öz seqmentində bənzərsizdir.
Belə ki kafenin işçi heyəti inklüziv tərkibdədir. Burada sağlamlıq imkanları məhdud gənclər işləyərək müştərilərə nümunəvi xidmət göstərirlər. Kafedə ümumilikdə 20 gəncin məşğulluğu təmin olunub ki, onlardan 10 nəfəri autizmli və daun sindromlu gənclərdir. Sosial sahibkarlıq təşəbbüsü olan Kaşalata Kafe fərqliliyi olan gənclərin məşğulluğuna dəstək olmaq və onların cəmiyyətə inteqrasiyasını təşviq etmək məqsədi daşıyır.
Kafenin açılmasında əsas tərəfdaşlar Əmək və Əhalinin Sosial Müdafiəsi Nazirliyi, KOBİA, SOCAR, “Pasha Holding” və Trendyol şirkətidir. Bundan başqa, Azersun, SENSUM, Bravo, Baku Electronics, BOSCH, AMINA & S Group, PAŞA Sığorta, Cafe Botanist, ÖZSÜT, Xəzər Media Mərkəzi, Media Balans, BETA, Marsoul Group, Best Telecom, Kirpi Tekstil, MONOPAK, Ecolife, Ajour Events Group, Sirab, NEQSOL Holding və CityNet şirkətləri də sponsor qismində bu ideyanın ərsəyə gəlməsinə dəstək göstəriblər.
