Bakıda və bir sıra bölgələrdə ziyanverici həşərat yayıldı - Tədbirlər görülür

Bakıda və bir sıra bölgələrdə ziyanverici həşərat yayıldı - Tədbirlər görülür

Son vaxtlar Abşeron yarımadası və Bakı şəhərində, həmçinin respublikanın şimal (Xaçmaz, Quba, Şabran, Siyəzən rayonları) və cənub bölgələrində (Astara, Lənkəran) Amerika ağ kəpənəyi adlandırılan ziyanverici həşəratın yayılma ocaqları müşahidə edilir.

 

ARETN Zoologiya İnstitutu, Tətbiqi Zoologiya Mərkəzinin aparıcı elmi işçisi, biologiya üzrə fəlsəfə doktoru, dosent İradə Nuriyeva bu barədə Sfera.az-a  açıqlamasında bildirib ki, sözügedən həşəratlara qarşı mübarizədə ən vacib məsələlərdən biri mübarizə tədbirlərinə ciddi əməl olunmasıdır, əks təqdirdə o yaxın gələcəkdə respublikanın digər bölgələrinə də yayılar və kütləvi surətdə arta bilər:

 

"Mübarizə tədbirləri il boyu aparılmalıdır. Bu tədbirlər vaxtında və düzgün həyata keçirilərsə, ziyanvericinin sayı və sonrakı qış ehtiyatının miqdarı kəskin surətdə azalar və kəpənək kütləvi çoxalmaq imkanından məhrum olar. Mübarizə tədbirləri kimi həyət və bağ sahələrində qamma-izomer xassəli heksaxloran tozu, xlorofos çiləməsi, yaxud entobakterin, bioloji preparatlardan isə dendrobatsilin, bitoksibatsilindən istifadə olunması məqsədəuyğundur. Mexaniki mübarizə üsulu isə karton və ya cod kisə parçalarının ağacların gövdələrinə sarınmasıdır, belə ki, puplaşmaya gedən tırtıllar bu parçaların arasında puplaşırlar və onları asanlıqla toplayıb məhv etmək olur”.

 

Bakı Şəhər İcra Hakimiyyəti Yaşıllaşdırma Təsərrüfatı Birliyindən də sözügedən məsələ ilə bağlı bildirilib ki, bu il temperaturun daha yüksək, yağıntının az olması ilə bağlı olaraq bu ziyanvericilərin sürətli artımı müşahidə edilir:

 

“Bakı Şəhər İcra Hakimiyyəti Yaşıllaşdırma Təsərrüfatı Birliyi il ərzində mütəmadi mexaniki və kimyəvi mübarizə tədbirləri aparır”.

 

“Havalar soyuduqca, temperatur 10-15 dərəcəyə endikcə ziyanverici həşəratlar əlverişsiz şəraitə düşdükləri üçün məhv olurlar", - deyə birlikdən verilən məlumatda deyilib.

 

Məlumat üçün qeyd edək ki, Amerika ağ kəpənəyi - Hyphantria cunea meyvə bağları, dekorativ ağaclar və meşələr üçün ciddi təhlükə mənbəyidir. Ümumilikdə 250-dən çox ağac növünə ziyan vurmaq potensialına malikdir.

 

Zərərvericinin ən əlverişli qidası tut, alma, armud, heyva, gavalı, gilas, qarağac, yunan qozu, palıd, üzüm və s. bitkilərin yarpaqlarıdır.

 

Vətəni Şimali Amerika olan bu ziyanverici düşdüyü iqlim şəraitinə tez uyğunlaşması, yüksək məhsuldarlığı, (yumurtaqoyma qabiliyyətinin yüksək olması), gizli həyat tərzi keçirməsi, ildə 2 nəsil verməsi və tırtıllarının çox yeyimcil olması ilə fərqlənir və ən təhlükəli karantin zərərvericiləri sırasına daxil edilir.


OXŞAR XƏBƏRLƏR

Bu küçədə avtobus zolağında vaxt məhdudiyyəti tətbiq edildi

Rəqəmsal İnkişaf və Nəqliyyat Nazirliyinin yanında Azərbaycan Yerüstü Nəqliyyat Agentliyi (AYNA) Bakının Yasamal rayonunun Abbas Mirzə Şərifzadə küçəsində avtob...

COP29 çərçivəsində dağ və iqlim dialoqunun həyata keçirilməsi planlaşdırılır

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində dağ və iqlim dialoqunun həyata keçirilməsi pla...

Kadir İnanıra AĞIR İTKİ

Məşhur aktyor Kadır İnanırın böyük bacısı Elmas Bakar dünyasını dəyişib.   Sfera.az xəbər verir ki, bu barədə Türkiyə mətbuatı məlumat yayıb. &nbs...

Bu ölkədə telekanalın çəkiliş qrupuna hücum edildi

Beyrutun mərkəzində Belçika VTM telekanalının çəkiliş qrupu hücuma məruz qalıb.   Sfera.az xəbər verir ki, bu barədə Belçikanın “Belga” a...

Siqaret çəkən qadınlar çəkməyənlərlə müqayisədə... - XƏBƏRDARLIQ!

Avstraliyada aparılan yeni tədqiqat siqaret çəkməyin menstruasiya ağrılarını artırdığını üzə çıxarıb.   Sfera.az xəbər verir ki, bu araşdırmada 9067...

Rəsmi Bakıdan Litvanın XİN rəhbərinə CAVAB

“Litvanın xarici işlər naziri Qabrielius Landsberqisin Avropa Şurası Parlament Assambleyasının (AŞPA) oktyabrın 2-də baş tutan iclası zamanı Azərbaycana q...