Azərbaycanda median yaşı AÇIQLANDI - Qocalma sürətlənib

Azərbaycan əhalisinin 2023-cü ilə aid olan median yaşı açıqlanıb.

Sfera.az Dövlət Statistika Komitəsinə istinadən xəbər verir ki, median yaş qadınlarda 35,6-ya, kişilərdə 33,3-ə yüksəlib.

Qeyd edək ki, median elə bir həddir ki, ondan yuxarı olanlarla aşağı olanların sayı eyni olur. Ölkə əhalisinin median yaşında davamlı artım müşahidə edilir. 1990-cı ildə median yaş qadınlarda 25,2, kişilərdə 22,5 idi.

Müqayisə göstərir ki, son 33 il ərzində qadınlar 10,4 il, kişilər 10,8 il yaşlanıb. Qadınlarda median yaşın yüksək olmasının səbəbi əhalinin yaşlı hissəsində qadınların sayının xeyli yüksək olması ilə bağlıdır. Azərbaycanda qadınlar kişilərə nisbətən 5-6 il çox yaşadığından yaşlı əhalinin çox hissəsini qadınlar təşkil edir. Buna görə də qadınların median yaşı kişilərə nisbətən daha yüksəkdir.

Vasif