"Temu"nun xakerlər tərəfindən ələ keçirildiyi və şəxsi məlumatların oğurlandığı iddia olunur.

Bəs bu iddialar həqiqəti əks etdirirmi?

Mövzu ilə bağlı Sfera.az-a danışan İKT üzrə mütəxəssis Elvin Abbasov bildirib ki, "Temu"nun kiberhücuma məruz qalması nəticəsində 87 milyon istifadəçinin datası xakerlər tərəfindən ələ keçirilib.

“Bu məlumatların içərisində müxtəlif insanların bank kartı məlumatları, şəxsi bilgiləri mövcuddur. "Temu"dan alış-veriş edərkən istifadə olunan bank kartları bloka salınmalı və kartın məxsus olduğu müvafiq bankla əlaqə saxlanılaraq kart məlumatları dəyişdirilməlidir”.

Elvin Abbasov qeyd edib ki, vətəndaşlar onlayn alış-veriş edərkən kart məlumatlarını daimi olaraq həmin saytlarda saxlamamalıdırlar.

“Hər bir halda əvvəlcədən 3D secure xidmətini aktivləşdirməlidirlər. Kart məlumatlarını yalnız alış-veriş edərkən daxil etsinlər və sonra dərhal silsinlər. Əks halda, insanların kartlarından kiçik məbləğlərlə başlayan pullar çəkiləcək. "Temu"nun özünün bildirdiyinə görə isə belə bir hal baş verməyib. Hal-hazırda trend olduğu üçün bu platformanın adından istifadə edərək dələduzlar insanları aldadırlar”.

Ülkər Abdurahmanlı