Sfera.az yazdı, qəza və ölümə səbəb olan yolda piyada keçidi xətləri çəkildi - FOTOLAR

Yasamal rayonu, Cəfər Cabbarlı küçəsinə nəhayət işıqfor qoyulub və piyada keçidi xətləri çəkilib.

Sfera.az bildirir ki, bu yolda piyada keçidin olmamasına görə dəfələrlə yol-nəqliyyat hadisələri baş verib. Hətta C.Cabbarlı küçəsində baş vermiş qəzalar, ölüm faktları və keçid problemi ilə bağlı reportaj da hazırlamışdıq.

Piyada keçidinin işıqforla nizamlanmasına baxmayaraq, hələ də qırmızı işıqda yolu keçənlərin sayı az deyil. 

Qeyd edək ki, İnzibati Xətalar Məcəlləsinin 338-ci maddəsinə əsasən piyada tərəfindən yol hərəkəti qaydaları pozularsa, onu 20 manatdan 300 manatadək cərimə gözləyir.

Ümid edirik ki, bütün hərəkat iştirakçıları bundan sonra daha diqqətli olacaq və daha az qəzalara şahid olacağıq.

Firuzə Əliyeva