Vasif Qafarov Astara rayonununda seçicilərlə görüşdü - FOTO
2024-cü il sentyabrın 1-də Azərbaycan Respublikasının Milli Məclisinə keçiriləcək növbədənkənar seçkilərdə 80 saylı Lerik-Astara seçki dairəsindən deputatlığa namizəd Vasif Qafarovun təbliğat-təşviqat kampaniyası davam edir.
Sfera.az xəbər verir ki, Vasif Qafarov avqustun 23-də Astara rayonunun Siyaku kəndində seçicilərlə görüşüb. Seçicilər tərəfindən böyük coşqu ilə qarşılanan tarixçi alim Azərbaycan Respublikasının bütün ərazisində keçirilən bu parlament seçkilərində namizəd kimi iştirak etməkdən böyük fəxarət və qürur hissi keçirdiyini bəyan edib və seçiciləri öz seçki platforması və planları barədə məlumatlandırıb.
Daha sonra çıxış edən Siyaku kəndinin ziyalıları və ağsaqqalları Vasif Qafarova öz təbriklərini və xeyir-dualarını çatdırıblar və sentyabrın 1-də seçkidə aktiv iştirak edib onu dəstəkləyəcəklərini bildiriblər.
Qeyd edək ki, Vasif Qafarov 1982-ci ildə Lerik rayonunun Cəngəmiran kəndində anadan olub. Tarix elmləri doktorudur. AMEA A.A.Bakıxanov adına Tarix və Etnologiya İnstitutunun baş elmi işçisidir.
