Milli Məclisin deputatı, iqtisadçı Vüqar Bayramov Konstitusiya Məhkəməsində fərdi əmək mübahisəsi zamanı işçiyə əməkhaqqının gecikməsinə görə ödəniş edilməsi halı ilə bağlı sualları cavablandırıb.

Sfera.az bildirir ki, millət vəkili sözügedən ödənişlərin necə alınacağını açıqlayıb.

O qeyd edib ki, bu, fərdi əmək mübahisəsinin yarandığı hala da şamil edilir:

“Qərara əsasən, hər gecikdirilmiş gün üçün işçiyə əmək haqqının azı bir faizi məbləğində ödəniş verilməlidir.Bununla belə, əksər işçilər bu imkandan istifadə etmirlər və ya edə bilmirlər. İşçilərin bu hüquqlarının qorunması üçün vahid əmək müqavilələrinin hazırlanması və tətbiq olunması vacibdir. Həmin müqavilələrdə işçinin öhdəliyi ilə yanaşı, işəgötürənin əmək haqqını yubatması ilə bağlı tələblərin müəyyənləşməsinə və gecikdirilmiş hər günə görə bir faizinin hesablanmasının əmək müqaviləsinə daxil edilməsinə ehtiyac var.  Bu, bir tərəfədən işçinin öz hüquqlarını bilməsi baxımdan vacibdir, digər tərəfdən isə əmək mübahisəsi yaranan zaman ödənişin alınmasına imkan verə bilər”.

Deputat bildirib ki, belə müqavilələrlə işçilərin konstitutsional hüquqlarını tam qorumaq mümkün olar: “Bu, həmçinin əməkhaqqının gecikməsi zamanın işçilərin maaşlarına daha qısa müddətdə əlavələrin ödənilməsinə gətirib çıxara bilər”.

Günay Rəsulqızı