Azərbaycanda ahıl yaşda olanların sayı kəskin artıb
Kateqoriya məlum deyil
Azərbaycan əhalisinin 4,32 faizi əhıl yaşda olan vətəndaşlardan ibarətdir.
Sfera.az rəsmi məlumatlara istinadən xəbər verir ki, 2015-ci illə müqayisədə 2020-ci ildə ahılların xüsusi çəkisi artıb.
2015-ci ildə ölkə əhalisinin 375,2 min nəfəri ahıl yaşda olan vətəndaşlar idi. Həmin tarixdə olan əhali sayını nəzərə alsaq, ahıl vətəndaşlar əhalinin 3,86 faizini təşkil edib. 2020-ci ildə ahılların sayı 438 min nəfərə yüksəlib və əhalinin 4,32 faizini formalaşdırıb.
Müqayisələr göstərir ki, 2011-ci ildən 2015-ci ilə qədər ahılların sayı azalırdı. Bu dövrdə ahılların sayı 407 mindən 375 minə düşüb. Amma 2015-ci ildən ahıl yaşda olan vətəndaşların sayı yenidən artıb və qeyd edilən göstəriciyə yüksəlib.
Qeyd edək ki, ahıl yaşı 70 və ondan yüksək olan yaş həddidir.
Vasif
Sfera.az
