“Pandemiyanı unudun, bu tarixi şansı qaçırmayaq” - Razi Nurullayevdən dövlət qurumlarına MÜRACİƏT
Sfera.az xəbər verir ki, bunu Milli Cəbhə Partiyasının (MCP) sədri, deputat Razi Nurullayev deyib.
Deputat təklif edib ki, zombi, qorxu, müharibə, etnik təmizləmə, əşyaların soyqırımı, apokalipsis və digər mövzularda Oskar mükafatı alacaq filmlər çəkmək olar:
"İnanıram ki, film nəhəngləri Azərbaycana axışacaqlar. Bəlkə növbə də yarandı. Öz film istehsalçılarımız da sakit dayanmasın, sponsor tapıb film çəklişlərinə başlayın. Bundan gözəl təbliğat olarmı? Yüz milyonlar xərcləsən, Qarabağda "əşyaların soyqırımı” filminin yaratdığı effekti almaq olmaz”.
R.Nurullayev Dövlət Turizm Agentliyinə də müraciət edib: "Siz də cənab Prezidentlə məsləhətləşin və aparıcı xarici kanallarda "Qarabağa ziyarət”, "Zəfər yolu”, "Dronların döyüşü” adlı reklam çarxları yerləşdirin, dünya turistlərini çarter reyslərlə Bakıya dəvət edin. Unudun pandemiyanı, öhdəsindən gələrik, amma bu tarixi şansı əlimizdən qaçırmayaq”.
