"Bir gün yox, hər gün sevgi" – Tanınmışların 8 Mart paylaşımları

Bu gün 8 Mart Beynəlxalq Qadınlar günüdür.

Sfera.az xəbər verir ki, şou-biznesin tanınmış simaları sosial şəbəkədə bunla bağlı paylaşım edib, xanımlara xoş sözlər ünvanlayıblar.

Xalq artisti Aygün Kazımova "Bir gün yox, hər gün sevgi" cümləsi ilə xanımları təbrik edib.

Müğənni Röya anasının şəklini ilk dəfə izləyiciləri ilə  paylaşıb. İfaçı anası kimi yüzlərlə zəhmətkeş xanımların olduğunu vurğulayıb: " Bütün qadınlara arzularının çin olmasını diləyirəm. Qız övladları daim analarının yanında olsun, onlar üçün yaşasın. Heç bir çətinlikdən qorxmayın, problemin həllini intiharda görməyin! Hər birimiz ağır günlər keçirmişik. Amma arzular insanı məqsədinə qədər aparır. Arzularınız tükənməsin".

Röya anasının simasında bütün anaları, qadınları təbrik edib.

Aşıq Samirə xanımlara daima bayram əhval-ruhiyyəsində olmağı arzu edib: "Xoşbəxt olaq və bütün bunları sağlam canla yaşayaq".

Müğənni Zamiq bildirib ki, xoşbəxt olmaq hər bir qadının haqqıdır: "Allah bütün qadınları gözəl yaradıb. Heç bir qadın ağlamasın. Yalnız sevincdən. Allah bütün qadınları xoşbəxt eləsin , onların həmişə üzü gülsün, ana olsunlar. Onlar bizim analarımız, bacılarımız, övladlarımız, həyat yoldaşımızdır. Nə yaxşı ki, varsınız".

İfaçı Nadir Qafarzadə həyat yoldaşı ilə foto paylaşaraq onu təbrik edib: " Həyatımın ilk və son qadını, bayramın mübarək. Sən heç kimə bənzəmirsən. Allah səni mənim üçün yaradıb. Bir daha dünyaya gəlmək şansım olsaydı, yenə də səni özümə ömür-gün yoldaşı seçərdim".

Xalq artisti Zülfiyyə Xanbabayeva isə qeyd edib ki, qadınları anlatmağa kəlmələr, anlamağa da ömür yetməz: "Dünyaya insan gətirən, cana can verən, güclü, zərif, gözəlliyin özü qadınlar,  günümüz mübarək".