Bayramovla Mirzoyanın görüş günündə baş verənlər: Əsgərimiz şəhid oldu, Rusiyanın və Minsk qrupunun gizli niyyəti...

Bayramovla Mirzoyanın görüş günündə baş verənlər: Əsgərimiz şəhid oldu, Rusiyanın və Minsk qrupunun gizli niyyəti...
"Ermənistan xarici işlər naziri Ararat Mirzoyanla Azərbaycan xarici işlər naziri Ceyhun Bayramovun Minsk görüşündən böyük nəticələr gözləmirəm”.
 
Bunu Sfera.az-a açıqlamasında politoloq Teymur Qasımlı deyib. Müsahibimiz görüş günü əsgərimizin şəhid olduğunu xatırladıb:

"Ona görə Mirzoyan-Bayramov görüşündən gözləntilər yoxdur. Ancaq yeniliklər ola bilər. Düşünürəm ki, prezident İlham Əliyevlə Nikol Paşinyan görüşərsə (bunun üçün hazırlıqların getdiyi istiqamətində iddialar var), o zaman gözləntilərin olması mümkündür. Üstəlik ermənilər Zəngəzur dəhlizinin açılmasını istəmirlər. Digər tərəfdən XİN rəhbərlərinin görüşü günündə Ermənistanın Təhlükəsizlik Şurasının katibi Armen Qriqoryan bəyanat verdi ki, biz Zəngəzur dəhlizi yox, yol aça bilərik. Bu onu göstərir ki, ermənilər münaqişənin bitməsini, sülh, kompromis istəmirlər. Prosesləri izləyib nələr olacağını görəcəyik. 
Eyni zamanda Fransanın Ermənistandakı səfiri maraqlı açıqlama verdi ki, ATƏT-in Minsk qrupu çərçivəsində sülh müqaviləsi hazırlanır. Amma nə olduğu bildirilməyib. Mirzoyanla Bayramovun görüşündə də əsasən, həbs etdiyimiz diversiya qruplarının geri qaytarılması olub. Ermənistan hökuməti indi əsirləri geri qaytarmaqdan ötrü mübarizə aparır. Daha sonra sərhədlərin delimitasiyası ilə əlaqəli məsələlərdə ortaq kompromisə gəlinə bilər. Ancaq əsgərimizin şəhid olması, Qarabağda baş verən silahlı insidentlərin, qeyri-qanuni hərbi dəstələrin olması hələlik heç bir nəticənin olmayacağını göstərir”.

Digər müsahibimiz politoloq Fərhad Məmmədov saytımıza açıqlamasında qeyd edib ki, Minskdə keçirilən görüşə ümumi proseslər çərçivəsində baxmalıyıq:
 
"Bu, artıq ikinci görüşdür. Lakin ilk görüş Minsk qrupunun həmsədrlərinin vasitəçiliyi ilə baş tutmuşdu. İkinci görüş isə, Rusiya Xarici İşlər nazirliyinin. Bu onu göstərir ki, Rusiya üçtərəfli formatdan çıxmaq niyyətində deyil və konkret məsələlər də bu formatda müzakirə edilir, həllini tapır. Rusiya artıq bir çox səviyyələrdə belə üçtərəfli format yaradır. Bu, ilk növbədə ölkə rəhbərlərinin görüşüdür, daha sonra hökümətlərarası komissiyalar, xüsusi xidmət orqanlarının mütəmadi olaraq görüşləri keçirilir, baş prokurorların, dini rəhbərlərin görüşü baş tutdu. İndi isə, Ermənistanın daxili siyasətindəki çaxnaşmalardan, XİN rəhbərləri təyin edildikdən sonra, bu formatda fəaliyyətə başladı. Rusiya yeganə vasitəçilik institundan nəinki, imtina etmək istəmir, əksinə, onun sahələrini genişləndirir”.

Müsahibimizin sözlərinə görə, qeyd edilənlər Minsk qrupunun həmsədrlərinə geniş yer verilmədiyini göstərir:

"Faktiki olaraq Nyu-York görüşündən sonra, Minsk qrupunun həmsədrlərinin bəyanatına baxsaq görərik ki, orada 10 noyabr üçtərəfli bəyanata istinadən, öz fəaliyyətlərini qorumaq niyyətində olduqlarını bildirirlər. Bu da öz növbəsində onu göstərir ki, Rusiya yeganə vasitəçilik missiyasını davam etdirmək niyyətindədir və Minsk qrupu sadəcə olaraq üçtərəfli formatda qəbul olunan qərarların təsdiqedicisi və ya dəstəkçisi rolunda çıxış edir. Maraqlı məqam budur”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Hikmət Hacıyev İstanbulda çıxış edəcək - DETALLAR

Dekabrın 11-12-də İstanbul şəhərində Türkiyə Prezidenti Administrasiyasının Kommunikasiya İdarəsi tərəfindən Beynəlxalq Strateji Kommunikasiya Zirvəsi keçiriləc...

Ramil Səfərov barəsindəki iddialar TƏKZİB OLUNDU

Sosial şəbəkələrdə Azərbaycan Silahlı Qüvvələrinin zabiti Ramil Səfərovla bağlı müxtəlif şayiələr yayılıb. İddia olunurdu ki, guya, Ramil Səfərov 6 aydır ...

Brüssel görüşünün çox mühüm nəticələri olacaq - Rəsul Quliyev

"Paşinyan Dağlıq Qarabağ mövzusu ilə əl-qolunu bağlamaq istəmir”.   Sfera.az bildirir ki, bunu Azərbaycanın sabiq spikeri Rəsul Quliyev deyib. Onun sözlə...

Paşinyan Ermənistanın KTMT-dən çıxmaq məsələsini müzakirə edəcək

Nikol Paşinyan bu gün növbəti dəfə parlamentdənkənar qüvvələrin nümayəndələri ilə görüşəcək və görüşdə əsas məsələ Ermənistanın KTMT və Avrasiya iqtisadi İttifa...

Azərbaycan Türkiyədən yeni hərbi təyyarə aldı - FOTO

Azərbaycan Türkiyədən yeni hərbi təyyarə alıb. Sfera.az xəbər verir ki, "Hürkuş” tipli təyyarə hərbi təlim üçün nəzərdə tutulub. Dekabrın 3-də Azər...

Yaxın günlərdə Azərbaycanda bütün icra başçıları işdən azad edilə bilər - İDDİA

Azərbaycan İnternet Forumunun prezidenti Osman Gündüz icra hakimiyyətlərinin ləğv olunma ehtimalından söz açıb.   Sfera.az bildirir ki, ekspert ötən bir ...